రంగారెడ్డి జిల్లా తుమ్మనూరు వద్ద ఘోర రోడ్డు ప్రమాదం చోటుచేసుకుంది. డీసీఎం వాహనాన్ని కారు ఢీ కొట్టింది ఈ ఘటనలో నలుగురు దుర్మరణం చెందారు. గమనించిన స్థానికులు పోలీసులకు సమాచారం అందించారు. సమాచారం అందుకున్న పోలీసులు ఘటనాస్థలికి చేరుకున్నారు. మృతదేహాలను పోస్టుమార్టం నిమిత్తం స్థానిక ఆస్పత్రికి తరలించారు.
మృతులు నాగర్ కర్నూల్ జిల్లా వెల్దండ మండలానికి చెందిన వారిగా పోలీసులు గుర్తించారు. మృతులు కేశవులు(35), శ్రీనివాసులు(30), యాదయ్య(34), రామస్వామి(32)లుగా గుర్తించారు. హైదరాబాద్ లో వంట చేసేందుకు వెళ్లి తిరిగి వస్తుండగా ప్రమాదం జరిగినట్లు పోలీసులు తెలిపారు. కేసు నమోదు చేసుకుని దర్యాప్తు చేస్తున్నారు. ప్రమాదానికి గల కారణాలను ఆరా తీస్తున్నారు.
