‘ ది కాశ్మీర్ ఫైల్స్’ సినిమా ఇండియా వ్యాప్తంగా రికార్డ్ క్రియేట్ చేస్తోంది. లోబడ్జెట్ సినిమాగా విడుదలైన ఈ సినిమా విమర్శలు ప్రశంసలు దక్కించుకోవడంతో పాటు రూ. 200 కోట్లు వసూలు చేసే దిశగా వెళ్తోంది. 80,90లో కాశ్మీర్ లో ఓ వర్గం ప్రజలు కాశ్మీర్ పండిట్లపై చేసిన దమనకాండను, వారి కన్నీటి గాథను కళ్లకు కట్టేలా తెరకెక్కించారు దర్శకుడు వివేక్ అగ్నిహోత్రి. అనుపమ్ ఖేర్, మిథున్ చక్రవర్తి వంటి నటులు తమ నటనతో సినిమాకు ప్రాణం పోశారు. ఈ సినిమాను ఇప్పటికే ప్రధాని నరేంద్రమోదీతో పాటు హోం మంత్రి అమిత్ షా.. ఇతర బీజేపీ నాయకులు ప్రశంసిస్తున్నారు. ఇదిలా ఉంటే కొన్ని రాజకీయ పార్టీలు, నాయకులు మాత్రం సినిమా ఓ వర్గంపై విషం చిమ్మేలా ఉన్నాయంటూ విమర్శిస్తున్నారు.
తాజాగా ప్రముఖ నటుడు ప్రకాష్ రాజ్ ‘ ది కాశ్మీర్ ఫైల్స్ ’ సినిమాపై షాకింగ్ కామెంట్స్ చేశారు. ట్విట్టర్ లో సినిమా గురించి ఓ వీడియో పోస్ట్ చేశారు. ఈ వీడియోలో ఓ వ్యక్తి ఓ వర్గంపై విద్వేషపూరిత కామెంట్స్ చేశారు. దీనిపై ప్రకాష్ రాజ్ ‘ కాశ్మీర్ ఫైల్స్’ గాయాలను నయం చేస్తుందా..? విద్వేష బీజాలు నాటి .. గాయాలను మాన్పుతుందా? అని రాసుకొచ్చారు. ప్రకాష్ రాజ్ కామెంట్లపై చాలా మంది నెటిజెన్లు తీవ్రంగా ట్రోల్ చేస్తుండగా.. కొంతమంది ఆయనకు మద్దతుగా నిలుస్తున్నారు.
#kashmirifiles this propaganda film … is it healing wounds or sowing seeds of hatred and inflicting wounds #Justasking pic.twitter.com/tYmkekpZzA
— Prakash Raj (@prakashraaj) March 18, 2022
