మెగా ప్రిన్స్ వరుణ్ తేజ్ నటించిన ‘గని’ చిత్రం ఈ నెల 8న విడుదలైంది. బాక్సింగ్ నేపథ్యంలో తెరకెక్కిన ఈ పిక్చర్ అనుకున్న స్థాయిలో ఆకట్టుకోలేకపోయింది. ఈ క్రమంలోనే వరుణ్ తేజ్ సోషల్ మీడియా వేదికగా స్పందించారు. మూవీ మేకర్స్ కు థాంక్స్ చెప్తూ ‘సినిమా’ కోసం తను పడిన కష్టం గురించి వివరించారు.
తనను ఇన్ని ఏళ్ల నుంచి ఆదరిస్తున్న అందరికీ ధన్యవాదాలు తెలిపిన మెగా ప్రిన్స్..‘గని’ చిత్రంలో భాగస్వాములైన అందరికీ థాంక్స్ చెప్పారు. ప్రొడ్యూసర్స్ ఎంతో కష్టపడి సినిమా కోసం పని చేశారని వివరంచారు. మంచి చిత్రాన్ని అందించడానికి తాము ఎంతో కష్టపడ్డామని, కానీ, తాము అనుకున్న ఆలోచన వెండితెరపైన ఎందుకో ఆవిష్కృతం కాలేదని స్పష్టంగా పేర్కొన్నారు.
తాను ప్రతీ సినిమా కోసం ఎంతో కష్టపడ్తానని, ఆ మూవీ ద్వారా అందరినీ ఎంటర్ టైన్ చేయాలని అనుకుంటానని ‘గని’ సినిమా హీరో తెలిపారు. ఈ ప్రాసెస్ లో తాను కొన్ని సార్లు విజయాలు సాధిస్తానని, మరి కొన్ని సార్లు నేర్చుకుంటానని చెప్పారు. అయితే, ఈ క్రమంలో తాను కష్టపడి పని చేయడం మాత్రం ఆపబోనని తెలిపారు వరుణ్ తేజ్.
ఈ మేరకు వరుణ్ తేజ్ ..తన పేరిట ట్విట్టర్, ఇన్ స్టా గ్రామ్ అకౌంట్స్ లో లెటర్స్ రిలీజ్ చేశారు. వరుణ్ తేజ్ నటించిన ‘F3’ సినిమా వచ్చే నెల 27న విడుదల కానుంది. ఇందులో విక్టరీ వెంకటేశ్ మరో హీరో కాగా, ఆయనకు జోడీగా తమన్నా భాటియా నటించగా, వరుణ్ తేజ్ సరసన హీరోయిన్ గా మెహ్రీన్ నటించింది.
— Varun Tej Konidela 🥊 (@IAmVarunTej) April 12, 2022
