సౌతాఫ్రికా ఆల్రౌండర్ డేవిడ్ మిల్లర్పై టీమ్ ఇండియా స్టార్ బ్యాటర్ విరాట్ కోహ్లీ ఫ్యాన్స్ తీవ్రంగా ఫైర్ అవుతున్నారు. విరాట్ను పాక్ కెప్టెన్ బాబర్తో పోల్చడమే దీనికి కారణం. అసలేం జరిగిందంటే..?
పాకిస్థాన్ సూప‌ర్ లీగ్‌లో ముల్తాన్ సుల్తాన్ టీమ్‌కు ప్రాతినిధ్యం వ‌హిస్తున్న డేవిడ్ మిల్ల‌ర్కు ఇటీవ‌ల ఓ ఇంట‌ర్వ్యూలో కష్టమైన ప్రశ్న ఎదురైంది. అదేంటంటే..? క‌వ‌ర్ డ్రైవ్ ఆడే విష‌యంలో కోహ్లీ, బాబ‌ర్లో ఎవ‌రు బెస్ట్ అంటూ అని హోస్టు అడిగారు. దానికి బాబర్ అంటూ స‌మాధానం చెప్పాడు మిల్లర్. మిల్లర్ స‌మాధానంతో బాబర్ ఫ్యాన్స్ ఖుషీ అయినా కోహ్లీ అభిమానులు మాత్రం ఫుల్ ఫైర్ అవుతున్నారు. మిల్లర్ను మామూలుగా ట్రోల్ చేయడం లేదు.
ప్ర‌స్తుతం పాకిస్థాన్ లీగ్‌లో ఆడుతున్న మిల్లర్ అక్క‌డి ఫ్యాన్స్‌ను ఇంప్రెస్ చేయ‌డానికి కావాల‌నే కోహ్లీని త‌క్కువ చేశాడంటూ చెబుతున్నారు. కోహ్లీకి బాబర్ ఎప్ప‌టికీ పోటీ కాద‌ని ఫ్యాన్స్ అంటున్నారు. ఇదే ఇంట‌ర్వ్యూలో యార్క‌ర్స్ విష‌యంలో అఫ్రిది, బుమ్రాలో ఎవ‌రు బెస్ట్ అని అడిగిన ప్ర‌శ్న‌కు బుమ్రా అంటూ స‌మాధానం చెప్పాడు మిల్లర్.
