టాలీవుడ్ లేడీ సూపర్స్టార్ విజయశాంతి పోలీస్ ఆఫీసర్గా చాలా ఏళ్ల తర్వాత మళ్లీ వెండితెరపై కనిపించనున్నారు. పవర్ఫుల్ కాప్ వైజయంతి పాత్రలో ఆమె మళ్లీ థియేటర్లలో సందడి చేయనున్నారు. నందమూరి కల్యాణ్రామ్ చిత్రం కోసం ఈ రాములమ్మ మళ్లీ పోలీసు అవతారం ఎత్తారు. కల్యాణ్రామ్ ప్ర‌ధాన పాత్రలో న‌టిస్తున్న లేటెస్ట్ మూవీ NKR21. యాక్షన్ జానర్‌లో రానున్న ఈ చిత్రంతో ప్రదీప్ చిలుకూరి దర్శకుడిగా పరిచయమవుతున్నారు.
ఇవాళ (జూన్ 24) విజయశాంతి పుట్టినరోజు సంద‌ర్భంగా ఈ మూవీలో రాములమ్మ ఫ‌స్ట్ లుక్‌తో పాటు స్పెష‌ల్ గ్లింప్స్ రిలీజ్ చేశారు మేకర్స్. ఈ గ్లింప్స్లో విజయశాంతి వైజయంతి అనే పవర్ ఫుల్ పోలీసు పాత్రలో కనిపించారు. ఆమె పాత్రను కల్యాణ్ రామ్ ఇంట్రడ్యూస్ చేస్తున్నట్లు ఈ వీడియోలో కనిపిస్తోంది. “వైజయంతి ఐపీఎ. తను పట్టుకుంటే పోలీసు తుపాకీకి ధైర్యం వస్తుంది. వేసుకుంటే యూనిఫామ్కు పౌరుషం వస్తుంది. తనే ఒక యుద్ధం. నేనే తన సైన్యం” అంటూ విజయ శాంతిని ఉద్దేశిస్తూ కల్యాణ్ రామ్ చెప్పే డైలాగ్ గూస్ బంప్స్ తెప్పిస్తోంది. ఈ సినిమాను అశోక క్రియేషన్స్ నిర్మిస్తోంది.
