ధాన్యం నిల్వలో తీసుకోవాల్సిన జాగ్రత్తలు..యాజమాన్య పద్ధతులు..

పంట పండించడం పెద్ద పని అనుకుంటారు.కానీ కోత సమయంలో మాత్రం చాలా జాగ్రత్తగా ఉండాలి..పంటను మార్కెట్ కు చేర్చెవరకు కష్టపడాలి.కోత కోసే సమయంలో ధాన్యంలో 24 శాతం తేమ ఉండేలా చూసుకోవాలి. మార్కెట్ చేసే సమయంలో 10-12% ఉండేటట్లు ఎండలో ఆరబెట్టాలి..

ధాన్యం నిల్వలో తీసుకోవాల్సిన జాగ్రత్తలు..

*. నిల్వ ఉన్న పాతధాన్యాన్ని కొత్త ధాన్యంతో కలుపరాదు.

*. వీలైనంత వరకు క్రొత్త సంచులలో ధాన్యం నిలువ చేయాలి.

*. పాత సంచులను వాడేటప్పుడు పాతధాన్యం క్రిమికీటకాలు లేకుండా వాటిని శుభ్రపరిచి ఎండ బెట్టాలి.

*. ఈ సంచుల మీద 1లీ నీటికి 10మి.లీ మలాథియాన్ 5మి.లీ. డై క్లోరోవాన్ కలిపిన ద్రావణాన్ని పిచికారి చేసి ఆరనిచ్చి ధాన్యాన్ని నిల్వ చేయాలి.

*. ధాన్యం నింపిన బస్తాలను నేలకు, గోడలకు తగలకుండా తేమలేని పొడి ప్రదేశంలో చెక్క బల్లలమీద నిలువ చేయాలి.

*. 100kg ల ధాన్యానికి kg ల వేపగింజల పొడిని కలిపితే పురుగులు ఆశించవు.

*. కప్పులో పగుళ్ళు లేకుండా చూడాలి.

*. తలుపులకు కాశీలు, రంధ్రాలు లేకుండా చూడాలి.

*. అపరాలను చిక్కగా నేసిన జనపనార సంచులలో గాని లేదా పాలిథీన్ అమర్చిన సంచులలో గాని, నైలాన్ సంచులలోగాని నిల్వచేయాలి.

*. ఒక లీటరు నీటిలో 10మి.లీ మలాథియాన్ కలిపిన ద్రావణాన్ని ప్రతీ 100 చ.మీ 3 వంతున గోదాములలో ధాన్యం నిలువ చేసేముందు పిచికారి చేయాలి.
గోదాములలో ధాన్యం నిల్వ..

*.విషవాయువుతో గోదాములను నింపి పురుగు నివారణ చర్యలు తీసుకోవాలి.

*. గోదాములలో నిల్వ చేసిన ధాన్యం రక్షణకు టన్నుకు 3gr ఉండే అల్యూమినియం ఫాస్పైడ్ బిళ్ళలను 1 లేదా 2 ఉపయోగించాలి.

*. ఇథిలిన్ బ్రోమైడ్ ఒక క్వింటాళ్ళు ధాన్యానికి 5ml,1 క్వింటాలు అవరాలకు 3mil ఉపయోగించి గాలి వెలుపలికి పోకుండా 7 రోజుల వరకు జాగ్రత్త పడాలి.

వీటితో పాటు గోదాములలో కూడా బస్తాలను నిల్వ చేయడంలో మెలుకువలు పాటించాలి..ఏదైనా సందెహాలు ఉంటే వ్యవసాయ నిపునుల సలహాలను పాటించాలి..