RRR తర్వాత మహేష్ తోనే రాజమౌళి.. ఇది ఫిక్స్..!

5

దర్శకధీరుడు రాజమౌళి సినిమా అంటే నేషనల్ వైడ్ గా క్రేజ్ ఏర్పడింది. బాహుబలి తర్వాత ఆయన సినిమా రేంజ్ మరింత పెరిగిందని చెప్పొచ్చు. బాహుబలి తర్వాత ఆ సినిమాకు ఏమాత్రం తగ్గకుండా ఆర్.ఆర్.ఆర్ సినిమా ప్లాన్ చేశాడు రాజమౌళి. ఎన్.టి.ఆర్, రాం చరణ్ లాంటి ఇద్దరు సూపర్ స్టార్స్ తో మల్టీస్టారర్ ఫిక్స్ చేశాడు. 2020 సమ్మర్ రిలీజ్ ప్లాన్ చేస్తున్న ఈ మూవీ పూర్తి కాగానే ఇక తర్వాత రాజమౌళి కొన్నాళ్లుగా చేయాలని అనుకుంటున్న సూపర్ స్టార్ మూవీపై దృష్టి పెడతాడట.

కె.ఎల్. నారాయణ ఈ ఇద్దరి కాంబినేషన్ లో మూవీకి అడ్వాన్సులు ఇచ్చాడు. మహేష్ కూడా మహర్షి తర్వాత సుకుమార్ తో పాటుగా అనీల్ రావిపుడి సినిమాను రెండు ఒకేసారి షూటింగ్ చేస్తాడని తెలుస్తుంది. మహర్షి ఎలాగు ఈ ఇయర్ సమ్మర్ కు వస్తుంది. సుకుమార్ సినిమాను కాస్త ముందు ముగించి 2020 సంక్రాంతికి వచ్చేలా చేస్తాడట. ఇక అనీల్ రావిపుడి సినిమా 2020 ఎండింగ్ లో రిలీజ్ ప్లాన్ చేస్తారట.

2020లోనే ఆర్.ఆర్.ఆర్ రిలీజ్ అయితే ఆ తర్వాత కొద్దిపాటి గ్యాప్ తోనే మహేష్, రాజమౌళి సినిమా ఉంటుందని తెలుస్తుంది. మరి రాజమౌళి మహేష్ కోసం ఎలాంటి కథ రాస్తాడు.. ఎలాంటి సినిమా చేస్తాడు అన్నది ప్రస్తుతానికి సస్పెన్సే.

amazon ad