టాలీవుడ్ సీనియర్ హీరో నందమూరి బాలయ్య నటించిన టైమ్ ట్రావెల్ మూవీ ‘ఆదిత్య 369’ ఎంత సూపర్ హిట్ అయిందో అందరికీ తెలుసు. తెలుగు సినిమాలో సైన్స్ ఫిక్షన్ బ్యాక్ డ్రాప్ లో వచ్చిన డిఫరెంట్ పిక్చర్ గా ఇది నిలిచింది. ఈ ఫిల్మ్ కు సీనియర్ డైరెక్టర్ సింగీతం శ్రీనివాసరావు దర్శకత్వం వహించారు.
టైమ్ ట్రావెల్ నేపథ్యంలో ‘టైమ్ మిషన్’ ద్వారా ఏళ్లు వెనక్కి వెళ్లి అక్కడ బాలయ్య.. శ్రీకృష్ణ దేవరాయలు, అష్టదిగ్గజాలు అయిన కవులతో జరిపే సంభాషణలు ప్రేక్షకులకు బాగా నచ్చాయి. కాగా, ఈ సినిమా టైటిల్ లో ఉన్న 369 అంటే అర్థమేంటో ఈ స్టోరిలో చూద్దాం. బాలయ్య నటించిన ఈ పిక్చర్ నందమూరి అభిమానుల ఫేవరెట్ ఫిల్మ్ అని చెప్పొచ్చు.
‘ఆదిత్య 369’ టైటిల్ లో ‘ఆదిత్య’ అనగా సూర్యుడు అని అర్థం అని బాలయ్య ఓ సందర్భంలో తెలిపారు .ఇక ‘369’ నెంబర్ విషయానికొస్తే.. ఈ నెంబర్ పాజిటివిటీకి సంకేతమని తెలుస్తోంది. 3 అంటే మార్పు అని, 6 అంటే ప్రారంభం అని, 9 అంటే విస్తరించడం అని అర్థమట. అలా మార్పును స్టార్ట్ చేయడంతో పాటు విస్తరించడం కోసం ఈ నెంబర్ ను యూజ్ చేస్తారని అలా పెట్టారట.
సంఖ్యా శాస్త్రం ప్రకారం ఈ నెంబర్ ‘369’ చాలా లక్కీ నెంబర్ అని నిపుణులు చెప్తున్నారు. అలా ఈ సినిమాకు టైటిల్ కూడా కలిసొచ్చిందనే అభిప్రాయం ఉంది. బాలయ్య ప్రస్తుతం గోపిచంద్ మలినేని దర్శకత్వంలో తన 107వ చిత్రం చేస్తున్నారు. ఇందులో బాలయ్యకు జోడీగా శ్రుతిహాసన్ నటిస్తుండగా, ఎస్.ఎస్.థమన్ మ్యూజిక్ అందిస్తున్నారు.
