టాలీవుడ్ కింగ్ అక్కినేని నాగార్జున నూతన దర్శకులను ఇండస్ట్రీకి పరిచయం చేయడంలో ఎప్పుడూ ముందుంటారు. తన విజయాలకు కొత్త దర్శకుల సరి కొత్త ఆలోచనలే కారణమని చెప్తుంటారు కింగ్. అలా పలువురు నూతన దర్శకులను ఇప్పటికే ఇండస్ట్రీకి పరిచయం చేశారు నాగార్జున. కాగా, రొమాంటిక్, యాక్షన్, ఫ్యామిల్, లవ్ స్టోరిలతో పాటు భక్తిరస ప్రధాన చిత్రాలనూ నాగార్జున చేశారు. నాగార్జున ‘అన్నమయ్య’ అనే భక్తి ప్రధాన చిత్రం చేస్తున్నారని తెలిసి కృష్ణవంశీ ఆయనతో అలా అన్నారు. ఆ మాటలేంటో ఇప్పుడు తెలుసుకుందాం.
క్రియేటివ్ డైరెక్టర్ కృష్ణవంశీ.. నాగార్జునతో ‘పెళ్లాడతా’ అనే బ్లాక్ బాస్టర్ ఫిల్మ్ చేశారు. టబు హీరోయిన్ గా నటించిన ఈ పిక్చర్ ఫ్యామిలీ డ్రామాగా వచ్చింది. ఈ సినిమా చేసిన తర్వాత నాగార్జున దర్శకేంద్రుడు కె.రాఘవేంద్రరావు దర్శకత్వంలో ‘అన్నమయ్య’ మూవీ చేశారు. కాగా, నాగార్జున ఈ ఫిల్మ్ చేస్తున్నారని తెలుసుకుని కృష్ణవంశీ..ఆ సినిమా చేయొద్దని నాగార్జునతో చెప్పారు.
ఈ విషయం స్వయంగా నాగార్జున ఓ ఇంటర్వ్యూలో చెప్పారు. అప్పటి వరకు తనను రొమాంటిక్ హీరోగా, మన్మథుడిగా చూసిన ఆడియన్స్ ..భక్తుడిగా యాక్సెప్ట్ చేయబోరని కృష్ణవంశీ అభిప్రాయపడ్డారు. కానీ, ఆ ఫిల్మ్ లో నాగార్జున పోషించిన పాత్రను చూసి జనాలు ఫిదా అయిపోయారు.
నాగార్జున కెరీర్ లోనే బిగ్టెస్ట్ హిట్ గా ‘అన్నమయ్య’ నిలిచింది. అయితే, ఈ చిత్రం విడుదలయ్యాక కొన్నాళ్ల వరకూ ఆ సినిమా ను కృష్ణవంశీ చూడలేదట. కొన్నాళ్లకు చూసి నాగార్జున అత్యద్భుతంగా నటించారని కృష్ణవంశీ ప్రశంసించారట. కృష్ణవంశీ ప్రస్తుతం ‘రంగమార్తాండ’ చిత్ర పోస్ట్ ప్రొడక్షన్ వర్క్స్ లో ఫుల్ బిజీగా ఉన్నారు. త్వరలో ఈ సినిమా విడుదల కానుంది.
