టాలీవుడ్ యంగ్ హీరో నితిన్ నటిస్తున్న తాజా మూవీ రాబిన్ హుడ్. ఈ చిత్రం వెంకీ కుడుముల దర్శకత్వంలో తెరకెక్కుతోంది. హీరోయిన్ గా శ్రీలీల నటిస్తోంది. మూత్రీ మూవీ మేకర్స్ బ్యానర్ పై నవీన్ యేర్నెని, రవి శంకర్ లు నిర్మిస్తున్నారు. జీవీ ప్రకాష్ కుమార్ సంగీతాన్ని సమకూర్చుతున్నారు. ఇటీవలే ఈ సినిమా నుంచి వచ్చినటువంటి గ్లింప్స్ ఆక్టుకున్నాయి. తాజాగా టీజర్ ను విడుదల చేశారు.
ఆగని హైపై ఇండ్లలో చోరీలు అంటూ సినిమా టీజర్ ప్రారంభమవుతుంది. ఇంత మంది దాచుకున్న మనీని దోచుకుపోతున్న హనీ ఎవరు..? చెబితే ఇన్ స్టాగ్రామ్ లో ఫాలో అవుతావా..? ఎవడికి తెలుసయ్య.. రాబిన్ హుడ్ డబ్బు కోసం వాడు ఎక్కడికైనా వెళ్తాడు అనే డైలాగ్ లు పర్వాలేదనిపిస్తాయి. భారతీయులంతా నా సోదర సోదరీమణులు.. నా కంట్రీ కొచ్చి నా ఫ్యామిలీనే ఇబ్బంది పెడతార్రా అంటూ హీరో నితిన్ చెప్పిన డైలాగ్ ఆకట్టుకుంది. మరోవైపు యాక్షన్ సీన్స్ కూడా ఆకట్టుకున్నాయి. ఒక నిమిషం 34 సెకన్లు నిడివి గల ఈ టీజర్ సినిమా పై మంచి హైప్ పెంచేసింది. ఈ చిత్రం డిసెంబర్ 25 క్రిస్మస్ కానుకగా ప్రేక్షకుల ముందుకు రానున్నట్టు ప్రకటించారు.
