టాలీవుడ్లో రీ రిలీజ్ల ట్రెండ్ జోరుగా సాగుతోంది. ఇప్పటి వరకు మెగాస్టార్, పవర్ స్టార్, బాలయ్య వంటి అగ్రహీరోల సినిమాలే రిలీజ్ అయ్యాయి. ఇక నుంచి ఆనాటి పాత సినిమాలు కూడా రీ రిలీజ్ చేయాలని నిర్మాతలు భావిస్తున్నారు. ఈ నేపథ్యంలో అందాల రాముడు.. విశ్వవిఖ్యాత నట సార్వభౌముడు ఎన్టీఆర్ సినిమాలు రీ రిలీజ్ చేసే పనిలో పడ్డారు నిర్మాతలు. ఇందులో భాగంగానే ఎన్టీఆర్.. ‘అడవి రాముడు’ సినిమాను 4కే వెర్షన్లో రీ రిలీజ్ చేసేందుకు రంగం సిద్ధం చేస్తున్నారు.
ఎన్టీఆర్ శ‌త జ‌యంతి సంద‌ర్భంగా ఆయన బ్లాక్‌బ‌స్ట‌ర్ మూవీ ‘అడవి రాముడు’ను రీ రిలీజ్ చేయనున్నారు. మే 28న తెలుగు రాష్ట్రాలతో పాటు ఓవ‌ర్‌సీస్‌లోనూ ఈ సినిమా స్పెష‌ల్ ప్రీమియ‌ర్స్ స్క్రీనింగ్ వేయనున్నారు. ఈ సినిమా ప్రింట్స్‌ను రీ మాస్ట‌రింగ్ చేసి 4కే రిసొల్యూషన్తో విడుదల చేయనుండటం విశేషం. ఈ చిత్రం ద్వారా వ‌చ్చే క‌లెక్ష‌న్స్‌ను సేవా కార్య‌క్ర‌మాల కోసం వినియోగిస్తారని సమాచారం అందింది.
