పవర్ స్టార్ పవన్ కల్యాణ్ నటించిన సినిమా వస్తుందంటే చాలు..ఆయన అశేష అభిమానులు ఆ పిక్చర్ చూసేందుకు ఆత్రుతతో ఎదురు చూస్తారు. ఇక ఆయనతో ఒక్క సినిమా అయినా చేయాలని ప్రతీ ఒక్క హీరోయిన్ అనుకుంటుందనడంలో ఎటువంటి అతిశయోక్తి లేదు. ఓ కార్యక్రమంలో తాను పవన్ కల్యాణ్ తో యాక్ట్ చేయాలని అనుకుంటున్నానని అనుష్క శెట్టి చెప్పింది. కానీ, అది జరగలేదు.
నిజానికి పవన్ కల్యాణ్-అనుష్క జంటగా ఫైనల్ అయి ఒక సినిమా రావాల్సింది. కానీ, అది ఎక్కడ ఆగిపోయిందో ఇక్కడ తెలుసుకుందాం. పవన్ కల్యాణ్ తో ‘సుస్వాగతం’ చిత్రం తీసిన దర్శకుడు భీమినేని శ్రీనివాసరావు ఆ తర్వాత ఆయనతో ‘అన్నవరం ’ ఫిల్మ్ చేశాడు. ఈ సినిమాలో హీరోయిన్ గా భీమినేని ..అనుష్కను ఫిక్స్ అయ్యారు. కానీ, అప్పటికే చిరంజీవి ‘స్టాలిన్’ పిక్చర్ లో అనుష్క ఓ సాంగ్ చేసింది. దాంతో నెక్స్ట్ ఆప్షన్ గా ఆసిన్ ను అనుకున్నాడు దర్శకుడు.
అలా అనుష్క స్థానంలో హీరోయిన్ గా ఆసిన్ వచ్చింది. అలా పవన్ కల్యాణ్ కు జోడీగా ‘అన్నవరం’లో ఆసిన్ నటించింది. అలా ఈ సినిమాలో పవన్ కల్యాణ్ సరసన హీరోయిన్ గా నటించే అవకాశం అనుష్కకు మిస్ అయింది. చెల్లి సెంటిమెంట్ ప్రధాన అంశంగా తెరకెక్కిన ఈ మూవీలో సంధ్య..పవన్ కల్యాణ్ చెల్లెలిగా నటించింది. శివబాలాజీ సంధ్యకు జోడీగా నటించాడు. ఈ పిక్చర్ బాక్సాఫీస్ వద్ద అనుకున్న స్థాయిలో ఆడలేదు.
ఎమోషనల్ సీన్స్ లో పవన్ కల్యాణ్ యాక్టింగ్ చాలా బాగుందని ప్రేక్షకుల నుంచి ప్రశంసలు లభించాయి. కాగా, మొత్తంగా సినిమా మాత్రం యావరేజ్ అని కొందరు అభిప్రాయపడ్డారు. పవన్ కల్యాణ్ ఈ సినిమాలో చాలా కొత్తగా కనిపించాడనే అభిప్రాయం కూడా వ్యక్తమయింది.
