క్యారెట్ ఆరోగ్యానికి ఎంత మేలు చేస్తుందో అందరికి తెలుసు..శరీరానికి కావలసిన అన్నీ పొషకాలు ఇందులో ఉంటాయి. రోజుకో క్యారెట్ తీసుకోవడం వల్ల మంచి ఆరోగ్యం మీ సొంతం అని నిపుణులు అంటున్నారు. క్యారెట్ ను ఇప్పటివరకు స్వీట్స్, రైస్ ఐటమ్ లలో ఎక్కువగా వాడటం మనం చూసే ఉంటాము..కానీ క్యారెట్ తో పచ్చడి చేసుకోవడం కాస్త వెరైటీగా ఉంటుంది..ఒకసారి ఈ పచ్చడిని ఎలా చేసుకోవాలో ఇప్పుడు చూద్దాం..
కావలసిన పదార్థాలు:
క్యారెట్ ముక్కలు – ఒకటిన్నర కప్పులు,
అల్లం- పెద్ద ముక్క,
ఆవాలు- ముప్పావు స్పూను,
ఎండు మిర్చి – ఒకటి,
ఇంగువ- పావు స్పూను,
కరివేపాకు రెబ్బలు – పది,
కారం పొడి- రెండు స్పూన్లు,
పసుపు- పావు స్పూను,
మెంతి పిండి- పావు స్పూను,
నిమ్మరసం- రెండు స్పూన్లు.
తయారీ విధానం:
ముందుగా పాన్‌లో రెండు స్పూన్ల నూనె వేసి అల్లం, క్యారెట్ ముక్కల్ని వేయించి పక్కన పెట్టాలి. అదే పాన్‌లో మూడు స్పూన్ల నూనె వేసి కాస్త కాగాక ఆవాలు, ఎండు మిర్చి, కరివేపాకు, ఇంగువ వేయించాలి. చిటపటలాడాక కారం, పసుపు, మెంతి పిండి వేసి బాగా కలిపి పొయ్యి కట్టేయాలి. ఈ మిశ్రమంలోనే వేయించిన క్యారెట్, అల్లం ముక్కల్ని కలిపి నిమ్మరసం పిండితే సరి క్యారెట్ పచ్చడి రెడీ.. మీకు నచ్చితే మీరు కూడా ట్రై చేయండి..
