చాలా మంది బరువు తగ్గాలని ఎన్నో ప్రయత్నాలు చేస్తూ ఉంటారు. అయితే బరువు తగ్గడం నిజంగా అంత సులభం కాదు. కానీ ఈ విధంగా ప్రయత్నిస్తే కుదురుతుంది. క్యాలరీలు తగ్గించుకోవడానికి రాత్రిపూట భోజనం చేసే సమయంలో వీటిని పాటిస్తే కాలరీలు తగ్గించుకోవచ్చు. దీంతో బరువు తగ్గొచ్చు.
తినడం మానడం సొల్యూషన్ ఏమాత్రం కాదు:
చాలా మంది తినక పోతే బరువు తగ్గిపోతారు అని క్యాలరీలు తగ్గుతాయి అని అనుకుంటూ ఉంటారు. ఎప్పుడూ కూడా డిన్నర్ స్కిప్ చేయడం మంచిది కాదు. డిన్నర్ ని స్కిప్ చేయడం వల్ల మీరు బరువు తగ్గిపోతారు అనుకుంటే పొరపాటు. కాబట్టి రాత్రి కొంచెమైనా డిన్నర్ చేయాలి.
మిల్ కి మిల్ కి మధ్యలో కొద్దిగా తినడం:
చాలా మంది అనుకుంటూ ఉంటారు. ప్రతిసారి తినడం వల్ల బాగా లావు అయ్యిపోతారు అని. కానీ ఒకవేళ మీరు మీల్ కి మీల్ కి మధ్య ఏమి తినకపోతే తర్వాత తినే మీల్ బాగా ఎక్కువ తినడానికి అవుతుంది. కాబట్టి మధ్య మధ్యలో కొంచెం కొంచెం ఏదైనా స్నాక్స్ తీసుకోండి.
లైట్ గా తీసుకోండి:
రాత్రిపూట బాగా ఎక్కువ ఆహారం తీసుకోవడం వల్ల జీర్ణం అవ్వడానికి కష్టమవుతుంది. కాబట్టి హై కేలరీ ఆహారపదార్థాలకు దూరంగా ఉంటే మంచిది. అదే విధంగా తినేటప్పుడు టీవీ చూస్తూ తినడం లాంటివి చేయొద్దు. ఎందుకంటే టీవీ చూస్తూ తినడం లాంటివి ఏమైనా చేయడం వల్ల ఎక్కువ తినడానికి వీలవుతుంది. కాబట్టి నిదానంగా నెమ్మదిగా ప్రశాంతంగా కూర్చుని తినండి.
