ఈ సీజన్లో బాగా దొరికే పండ్లలో ఒకటి ఉసిరి. విటమిన్ సీ ఎక్కువగా ఉండే ఉసిరిలో ఎన్నో మంచి ఆరోగ్యప్రయోజనాలు ఉన్నాయి. ఉసిరికాయతో చేసే పచ్చడి కూడా చాలా రుచిగా ఉంటుంది కదూ. ఉసిరి రోగనిరోధక శక్తిని పెంచటంలో కూడా బాగా ఉపయోగపడుతుంది. నారింజ కంటే..ఉసిరిలోనే 20రెట్లు విటమిన్ సీ ఎక్కువగా ఉంటుంది మీకు తెలుసా..ఉసిరిలో ఔషధగుణాలు ఉన్నట్లు అధ్యయనాల్లో కూడా తేలింది. ఉసిరిని తీసుకోవటం ఆరోగ్యానికి మంచిదైనప్పటికి ఇది అందరికి సురక్షితం కాదని నిపుణులు అంటున్నారు. అనారోగ్యంతో బాధపడేవారు ఉసిరిని తినకపోవటమే మంచిదట.
వీరు ఉసిరిని తినకూడదు:
ఉసిరిని హైపర్‌ యాసిడిటీతో బాధపడే వారు తింటే.. వారికి సమస్యను మరింత తీవ్రతరం చేస్తుంది. హైపర్‌ యాసిడిటీ చరిత్ర కలిగిన ఉసిరిని ఖాళీ కడుపుతో తినడం వల్ల పొట్ట యొక్క పై పొరకు చికాకు కలిగించి ఎసిడిటీని పెరిగేలా చేస్తుంది.
రక్త సంబంధిత రుగ్మతలతో బాధపడుతున్న వారికి ఉసిరి తినడం మంచిది కాదు. దాని యాంటీ ప్లేట్‌లెట్ లక్షణాల కారణంగా, ఇది మీ రక్తాన్ని పలుచగా మరియు సాధారణ రక్తం గడ్డకట్టడాన్ని నిరోధిస్తుంది.
బ్లీడింగ్ డిజార్డర్‌తో బాధపడే వారు కూడా ఉసిరిని ఆహారంలో చేర్చుకునే ముందు వైద్యులను సంప్రదించాలి.
శస్త్రచికిత్స చేయించుకునే ముందు ఉసిరిని తీసుకోవటం మానుకోవటం ఉత్తమం.
ఉసిరిని అధికంగా తింటే.. రక్తస్రావం అయ్యే ప్రమాదం ఉంది. రక్తస్రావం నిరంతరంగా, దీర్ఘకాలంగా ఉంటే, ఇది కణజాల హైపోక్సేమియా, తీవ్రమైన అసిడోసిస్,అవయవాలు పనిచేయకపోవటానికి దారితీయవచ్చు.
ఉసిరి రక్తంలో చక్కెర స్థాయిని తగ్గించడంలో సహాయపడుతుందని కొన్ని అధ్యయనాలు సూచిస్తున్నాయి. అయినప్పటికీ… రక్తంలో చక్కెర స్థాయిని కలిగి ఉన్నవారికి, యాంటీ-డయాబెటిక్ మందులు తీసుకునే వారు ఉసిరికి దూరంగా ఉండటమే మంచిది.
ఉసిరి గర్భిణీ లేదా పాలిచ్చే స్త్రీలకు ఇబ్బందిని కలిగిస్తాయి. చనుబాలివ్వడం , గర్భధారణ సమయంలో ఉన్నవారు ఉసిరి తినడం హానికరం..ఇది నిరుపించలేదు,కానీ తినేముందే వైద్యుల సలహా తీసుకోవటం మంచిది.
పొడి చర్మం కలిగిన వారు ఉసిరికాయను ఎక్కువగా తినడం వల్ల సమస్య మరింత తీవ్రమవుతుంది. ఇది జుట్టు రాలడం, దురద, చుండ్రు ఇతర జుట్టు సంబంధిత సమస్యలకు దారితీస్తుంది. ఉసిరికాయను తీసుకున్న తర్వాత ఎక్కువ నీరు త్రాగటం మంచిది.
ఇలా ఉసిరివల్ల లాభాలు ఎంత ఉన్నాయో కొన్ని నష్టాలు కూడా ఉన్నాయి. కాబట్టి ఈ జాబితాలో ఉన్నవారు ఉసిరిని తినకపోవటం మంచిది.
