ఓరి నాయనో..ఈ మేక చెవులు ఎంత పొడవు ఉన్నాయో..

ఏనుగు చెవులు చాటంత ఉంటాయి.. అది భారీ ఆకారంలో ఉంటుంది.అందుకే ఎవరికైనా కొంచెం పెద్ద చెవులు ఉంటే ఏనుగు చెవులురా వీడివి అంటుంటారు.ఇక్కడ ఒక మేక చెవుల విషయంలో ఏనుగుతోనే పోటీ పడుతోంది. అవును..ఈ బుజ్జి మేక పిల్ల చెవులు చేటల్లా లేకున్నా కూడా బారెడు పొడవు ఉన్నాయి.వామ్మో చిన్న మేకకు ఎంత పొడవు చెవులు ఉన్నాయో ఇప్పుడు ఒకసారి చుద్దాము..

ఈ భారీ చెవుల మేక పాకిస్తాన్ లో ఉంది.కరాచీలో ఓ రైతు ఇంట్లో మేకపిల్ల పుట్టింది. అది పుట్టినప్పుడు దాని చెవులు చూసి ఆ రైతు ఆశ్చర్యపోయాడు. ఎందుకంటే ఆ మేకపిల్లకంటే దాని చెవులే పెద్దగా ఉన్నాయట. ఎంతంటే.. ఏకంగా 19 అంగుళాల పొడవున్నాయట. దీనికి ‘సింబా’అని పేరుపెట్టారు దాని యజమాని మహమ్మద్ హాసన్. సింబా మేక అంటే స్వాహిలిలో సింహం అని అర్ధం. రెండు వారల క్రితం జన్మించిన ఈ మేక తన చెవులతో ఇప్పటికే స్థానికంగా సెలబ్రెటీగా మారింది.

మరో విషయం ఏంటంటే..ఈ మేక పిల్ల త్వరలోనే గిన్నిస్‌ బుక్‌ రికార్డుల్లోకి ఎక్కబోతోందట. ఈ మేకపిల్ల ఫోటోలను సోషల్‌మీడియాలో పోస్ట్‌ చేస్తూ తెగ సంబర పడిపోతున్నాడు హాసన్‌. సాధారణంగా నుబియన్‌ జాతికి చెందిన మేకల చెవులు పొడుగ్గా ఉంటాయట.. కానీ ‘సింబా’చెవులు అంతకంటే పొడవుగా ఉన్నాయని అంటున్నారు నిపుణులు. ఈ మేక పిల్ల చెవులు ఇంత పొడవు పెరగడానికి జన్యు మార్పిడిగానీ, ఏదైనా జెనెటిక్‌ సమస్యగానీ కారణం అయి ఉండోచ్చునని వైద్య నిపుణులు అభిప్రాయ పడుతున్నారు..

Baby goat “Simba” in Karachi, Pakistan has made a world record with its ears as long as 48 centimeters, very much longer than the normal size of ears.https://t.co/YM9lJZDNtw

📹: Yousuf Khan pic.twitter.com/z6kZnrbpwl

— Anadolu Images (@anadoluimages) June 17, 2022