కామారెడ్డి జిల్లాలో కలకలం రేగింది. నగ్నంగా వీడియో కాల్ చేసి 60 వేల రూపాయలు వసూలు చేసింది ఓ గుర్తు తెలియని యువతి. కామారెడ్డి జిల్లా కేంద్రానికి చెందిన యువకుడికి నగ్నంగా వీడియో కాల్ చేసింది ఓ గుర్తు తెలియని యువతి. వీడియో కాల్ రికార్డ్ చేశానని డబ్బులు పంపించకుంటే, యూట్యూబ్లో పెడతానని బెదిరించింది యువతి.
అనంతరం ఢిల్లీ పోలీస్ స్టేషన్ నుంచి మాట్లాడుతున్నానని, ఓ యువతి నీపై కేసు పెట్టిందని డబ్బులు పంపించాలని ఆ యువకుడ్ని బెదిరించాడు మరో వ్యక్తి. దీంతో భయాందోళనకు గురై, 60 వేల రూపాయలను విడతలవారీగా పంపించాడు కామారెడ్డికి చెందిన యువకుడు. అనంతరం కామారెడ్డి పోలీస్ స్టేషన్లో ఫిర్యాదు చేయగా కేసు నమోదు చేసుకుని దర్యాప్తు చేస్తున్నారు పోలీసులు.
