పద్మనాభ స్వామి గుళ్లో నేల మాళిగలున్నట్టు.. జగన్ వద్ద అనేక నేల మాళిగలు ఉన్నాయని.. బీజేపీ నేత ఆదినారాయణ రెడ్డి సంచలన వ్యాఖ్యలు చేశారు. జగన్ ఆశ తీరదు.. ప్రధాని కావాల్సిన వ్యక్తి జగన్ అంటూ ఆ పార్టీ నేతలంటున్నారని నిప్పులు చెరిగారు. జగన్ ఢిల్లీలో చెంచాగిరీ చేస్తున్నారు.. ఏపీలో దాదాగిరి చేస్తున్నారని ఫైర్ అయ్యారు. ప్రాంతీయ పార్టీలు ఆడే మైండ్ గేమ్ ఏంటో బీజేపీకి అర్ధం చేసుకోని పరిస్థితుల్లో లేదని.. సీఎం జగన్ నోటికొచ్చిన అబద్దాలు చెబుతున్నారని మండిపడ్డారు.
విశాఖ స్టీల్ ప్లాంటుపై కేంద్రం సముచిత నిర్ణయం తీసుకుంటుందని పేర్కొన్నారు. ప్రత్యేక హోదా బిర్యానీ లాంటిది.. ప్రత్యేక ప్యాకేజీ బఫే లాంటిదని మండిపడ్డారు. బఫేలో అన్ని రకాల ఐటెములు ఉంటాయని.. ఎస్పీవీ పెట్టి ప్యాకేజీ ద్వారా నిధులు తెచ్చుకోమని కేంద్రం చెబితే దాన్ని తప్పు పడుతున్నారని ఫైర్ అయ్యారు. మెడలు వంచుతానన్న జగన్.. ఢిల్లీలో మోడీ కాళ్లు పట్టుకుంటున్నారని ఎద్దేవా చేశారు. వైసీపీది చేతకానితనమని.. ప్యాకేజీని వాడుకుంటే ఎంతైనా నిధులు వస్తాయన్నారు. కానీ వైసీపీకి చేత కావడం లేదని చురకలు అంటించారు.
