ఆంధ్ర ప్రదేశ్ రాష్ట్రంలో కరోనా కేసుల సంఖ్య నిల‌క‌డగా ఉంటుంది. గ‌త కొద్ది రోజుల నుంచి రాష్ట్రంలో కరోనా కేసులు పెరుగుతున్నాయి. గ‌తంలో కేవలం ఒక్క కేసు మాత్ర‌మే న‌మోదు అయింది. కానీ క్ర‌మంగా పెరుగుతూ వ‌చ్చాయి. ఈ రోజు కరోనా వైర‌స్ బులిటెన్ ను ఆంధ్ర ప్రదేశ్ రాష్ట్ర వైద్య ఆరోగ్య శాఖ అధికారులు విడుద‌ల చేశారు. ఈ కరోనా బులిటెన్ ప్ర‌కారం.. ఆంధ్ర ప్రదేశ్ రాష్ట్ర వ్యాప్తంగా 8 కరోనా వైర‌స్ పాజిటివ్ కేసులు వెలుగు చూశాయి.
శుక్ర‌వారం కూడా ఆంధ్ర ప్రదేశ్ రాష్ట్రంలో 8 కరోనా వైర‌స్ పాజిటివ్ కేసులు న‌మోదు అయ్యాయి. కాగ ఈ రోజు రాష్ట్ర వ్యాప్తంగా కరోనా వైర‌స్ నుంచి 15 మంది బాధితులు పూర్తిగా కోలుకున్నారు. దీంతో ఆంధ్ర ప్రదేశ్ రాష్ట్రంలో ప్రస్తుతం 56 కరోనా వైర‌స్ యాక్టివ్ కేసులు మాత్ర‌మే ఉన్నాయి. అలాగే ఈ రోజు ఆంధ్ర ప్రదేశ్ రాష్ట్రంలో కరోనా మ‌ర‌ణాలు న‌మోదు కాలేదు. కాగ గ‌డిచిన 24 గంట‌ల్లో ఆంధ్ర ప్రదేశ్ రాష్ట్ర వ్యాప్తంగా వైద్య ఆరోగ్య శాఖ అధికారులు.. 3,556 కరోనా నిర్ధార‌ణ ప‌రీక్షలు నిర్వ‌హించారు.
