Fire in Janasena party office: జనసేన పార్టీకి ఊహించని ఎదురు దెబ్బ తగిలింది. జనసేన పార్టీ ఆఫీస్‌లో అగ్నిప్రమాదం చోటు చేసుకుంది. ఈ సంఘటన ఇవాళ ఉదయం చోటు చేసుకుంది. ఈ సంఘటన వివరాలు ఇలా ఉన్నాయి. విశాఖలోని గోపాలపట్నం ఇంద్రనగర్‌లోని జనసేన పార్టీ కార్యాలయంలో ఒక్కసారిగా మంటలు చెలరేగాయి.
ఈ ప్రమాదాన్ని గుర్తించి వెంటనే అగ్నిమాపక సిబ్బందికి సమాచారం ఇచ్చారు స్థానికులు. దీంతో మంటలను అదుపు చేసిన ఫైర్ సిబ్బంది.. ఎలాంటి ఆస్తి నష్టం జరుగకుండా కాపాడారు. ఈ సంఘటన పై కేసు నమోదు చేసుకున్న పోలీసులు.. దర్యాప్తు చేస్తున్నారు. జనసేన పార్టీ ఆఫీస్‌లో అగ్నిప్రమాదంకు కారణాలపై అన్వేషిస్తున్నారు.
ఇది ఇలా ఉండగా.. పిఠాపురంలో జనసేన -టీడీపీ నేతల మధ్య తోపులాట చోటు చేసుకుంది. గ్రాడ్యుయేట్ ఎమ్మెల్సీ ఎన్నికలకు అవగాహన సదస్సుకు తెలుగు దేశం పార్టీ కూటమి ఎమ్మెల్సీ అభ్యర్థి పేరాబత్తుల రాజశేఖరం రావడం జరిగింది. అయితే…ఈ తరుణంలోనే… మూడు పార్టీలు కండువాలు వేసుకోకుండా కూటమి అభ్యర్థి ఎలా అవుతారని తెలుగు దేశం పార్టీ కూటమి ఎమ్మెల్సీ అభ్యర్థి పేరాబత్తుల రాజశేఖరంను ప్రశ్నించారు జనసేన కార్యకర్తలు.
