ఇండ్లు కట్టుకునే పేదలకు జగన్‌ మోహన్‌ రెడ్డి సర్కార్‌ తీపికబురు చెప్పింది. గృహ నిర్మాణ ప్రాజెక్టుల్లో పేదలు కొనుగోలు చేసే అవకాశం ఉండేలా, 45 నుంచి 60 చదరపు మీటర్ల విస్తీర్ణంలో ఇండ్లు నిర్మిస్తే.. ఆ ప్రాజెక్టుకు చెల్లించాల్సిన పన్నుల్లో రాయితీ ఇవ్వాలని జగన్‌ మోహన్‌ రెడ్డి సర్కార్‌ నిర్ణయం తీసుకుంది.
ఈ నిర్ణయం ప్రకారం.. ఆ ప్రాజెక్టుకు చెల్లించాల్సిన పన్నుల్లో 10 శాతం రాయితీ లభించనుంది. ఇలా ఇండ్లు నిర్మిస్తే, సంబంధిత గృహ నిర్మాణ ప్రాజెక్టులకు అనుమతి ఇచ్చిన దానికంటే, మరో అంతస్తు అదనంగా నిర్మించుకునే వెసులు బాటు ఉండనుంది. ఈ మేరకు ఏపీ బిల్డింగ్‌ రూల్స్‌ 2017 ను సవరిస్తూ, పురపాలక, పట్టణాభివృద్ధి శాఖ ప్రత్యేక ప్రధాన కార్యదర్శ వై. శ్రీలక్ష్మి అధికారిక ఉత్తర్వులు జారీ చేశారు.
