తెలుగు దేశం పార్టీ ఎమ్మెల్యే కోనేటి ఆదిమూలం పై ఓ మహిళా సంచలన ఆరోపణలు చేసిన విషయం తెలిసిందే. తనపై ఎమ్మెల్యే ఆదిమూలం లైంగిక వేధింపులకు పాల్పడ్డాడని.. ఒకే పార్టీలో పని చేసిన తనను బెదిరించి మూడు సార్లు లైంగిక వేధింపులకు పాల్పడ్డాడని పేర్కొంది. తన కోరిక తీర్చకుంటే.. కుటుంబాన్ని అంతం చేస్తానని బెదిరించాడని ఆ మహిళా మీడియాతో వెల్లడించింది.
తాజాగా సత్తివేడు ఎమ్మెల్యే ఆదిమూలంను సస్పెండ్ చేసింది టీడీపీ అధిష్టానం. ఆదిమూలం లైంగిక వేధింపులు వాస్తవం అని భావించి పార్టీ నుండి సస్పెండ్ చేసింది టిడిపి అధిష్టానం. ఈ మేరకు తెలుగు దేశం పార్టీ నుంచి అధికారిక ప్రకటన కూడా సోషల్ మీడియాలో చక్కర్లు కొడుతోంది. ప్రధానంగా ఎమ్మెల్యే ఆదిమూలం గురించి అందరికీ తెలియాలని పెన్ కెమెరా పెట్టుకొని వీడియో రికార్డు చేసినట్టు మీడియా ముందు వాపోయింది బాధితురాలు. పార్టీ కార్యక్రమాల్లో పరిచయమై ఆమె ఫోన్ నెంబర్ తీసుకొని పదే పదే ఫోన్ చేసేవాడని తెలిపింది.
