ఎల్ఐసీ నుంచి మరో సూపర్ పాలసీ..రెట్టింపు డబ్బులు పొందే అవకాశం..

భారతీయ అతి పెద్ద లైఫ్ ఇన్సూరెన్స్ సంస్థ ఎల్ఐసీ ఎప్పటికప్పుడు కొత్త పాలసీలను అందిస్తూ వస్తుంది..ఫ్యుచర్ ను దృష్టిలో ఉంచుకొని భీమాను ఎక్కువ మంది తీసుకుంటున్నారు.జీవిత బీమా భవిష్యత్తును సురక్షితంగా ఉంచడమే కాకుండా, ప్రమాదవశాత్తు మరణం సంభవించినప్పుడు కూడా అనేక ఆర్థిక ప్రయోజనాలను అందిస్తుంది. చాలా మంది ఈ విషయాలను దృష్టిలో ఉంచుకుని ఎల్‌ఐసీ పాలసీ చేస్తారు.ఇది ప్రభుత్వ కంపెనీ కనుక నష్ట పోయే పనిలేదు.

అయితే క్రమం తప్పకుండా ప్రీమియంలు చెల్లిస్తూ ఉండాలి. ప్రమాదవశాత్తు మరణిస్తే ప్రమాద ప్రయోజనంతో పాటు రెట్టింపు ప్రయోజనాన్ని అందిస్తుంది. హామీతో పాటు ఈ పథకం ఇతర ప్రయోజనాలను కూడా అందిస్తుంది. ఈ పాలసీ ప్రీమియం చెల్లించడానికి 2 నెలలు గ్రేస్ పీరియడ్ కూడా అందుబాటులో ఉందని ఎల్‌ఐసీ చెబుతోంది. ఈ ఎల్‌ఐసీ జీవన్‌ మంగళ్‌ పాలసీ పొందే ప్రయోజనం కనిష్టంగా 10,000, గరిష్టంగా 50,000 హామీ ప్రయోజనాలను అందిస్తుంది. ఈ టర్మ్‌ ప్రీమియంలను ఏటా, ఆర్థి సంవత్సరం, నెలవారీ, 15 రోజులలో, వారం రోజులలో కూడా చెల్లించుకోవచ్చు.

ఈ పాలసీని తీసుకోవాలని అనుకోనేవారి వయస్సు 18 నుండి 55 సంవత్సరాల మధ్య ఉండాలి. సాధారణ ప్రీమియం ప్లాన్ విషయంలో ఈ పాలసీని 10 నుండి 15 సంవత్సరాల వరకు తీసుకోవచ్చు. సింగిల్ ప్రీమియం ప్లాన్ విషయంలో పాలసీ కాలవ్యవధి 5 నుండి 10 సంవత్సరాలు. ఈ పాలసీని పొందడానికి కంపెనీ వెబ్‌సైట్‌ను సందర్శించడం, లేదా సమీపంలోని ఏజెంట్‌ను సంప్రదిస్తే పూర్తి వివరాలు తెలియజేస్తారు. లేకపోతే మీ దగ్గరలోని ఎల్‌ఐసీ కార్యాలయానికి వెళ్లినా వివరాలు అందిస్తారు. ఈ పాలసీలో పది సంవత్సరాల పాటు 20వేల సమ్‌ అష్యూర్డ్‌ పాలసీని తీసుకున్నట్లయితే మీరు రూ.1,191 వార్షిక ప్రీమియం చెల్లించాలి..పన్ను మినహాయింపు కూడా ఉంటుంది..ఆదాయపు పన్ను సెక్షన్‌ 80C కింద మినహాయింపు పొందవచ్చు…