BalaKrishna: నందమూరి న‌ట సింగం బాలయ్య .. ఒక‌వైపు సినిమాలు మ‌రోవైపు రియాలిటీ షోలతో తెగ సంద‌డి చేస్తున్నారు. ఆరుప‌దుల వ‌య‌స్సులో కూడా పుల్ జోష్ లో క‌నిపిస్తున్నారు. యంగ్ హీరోల‌కు ధీటుగా వ‌రుస‌గా సినిమాలు చేస్తూ ప్రేక్షకులను అలరిస్తున్నారు. వరుస ప్రాజెక్ట్స్ను పట్టాలెక్కిస్తూ ఫుల్ బిజీగా గడిపేస్తు్న్నారు. ప్రస్తుతం బాలయ్య..మాస్ డైరెక్టర్ బోయపాటి శ్రీను దర్శకత్వంలో అఖండ సినిమా చేస్తున్నాడు. ఈ చిత్రంలో బాలకృష్ణ సరసన ప్రగ్యా జైస్వాల్ హీరోయిన్గా నటిస్తోంది.
ఇదిలా ఉంటే.. మ‌రోవైపు ఓటీటీలో హోస్ట్ గా మారి ర‌చ్చ చేస్తున్నారు. ప్ర‌ముఖ ఓటీటీ ఆహా వేదికగా..అన్స్టాబబుల్ విత్‌ ఎన్‌బీకే పేరుతో ప‌లువురు ప్రముఖుల‌ని తనదైన స్టైల్‌లో ఇంట‌ర్వ్యూలు చేస్తూ.. పుల్ ఎంట‌ర్ టైన్ చేస్తున్నారు. తొలి ఎపిసోడ్‌ను మంచు ఫ్యామిలీపై బాలయ్య తనదైన శైలిలో ప్రశ్నల వర్షం కురిపించారు .
ఇక రెండో ఎపిసోడ్లో గెస్టుగా న్యాచురల్ స్టార్ నాని రానున్న విష‌యం తెలిసిందే. ఇందుకు సంబంధించిన ప్రోమో నెట్టింట్లో హ‌ల్చల్ చేస్తుంది. ఈ ఎపిసోడ్ నవంబర్ 12న స్ట్రీమింగ్ కానుంది.
అయితే తాజాగా బాలకృష్ణ అన్‌స్టాప‌బుల్ టాక్ షో వేదిక‌పై చిందులు వేసిన వీడియోని ఆహా విడుద‌ల‌చేసింది. అందులో హీరోయిన్ పూర్ణతో కలిసి బాలకృష్ణ ఫుల్ జోష్లో డ్యాన్స్ చేశారు. నందమూరి నాయక..పాటకు ఫుల్ ఎనర్జీతో స్టెప్పులేశాడు బాలకృష్ణ. ఈ వీడియో చూస్తూంటే… బాలకృష్ణకు 61 యేండ్లు అంటే న‌మ్మ‌బుద్ది కావ‌డం లేద‌ని కామెంట్స్ చేస్తున్నారు నెటిజ‌న్లు. బాలయ్య జోరు.. కుర్రహీరోలు బేజారు అంటూ అంటూ నెట్టింట్లో కామెంట్స్ చేస్తున్నారు
