హైదరాబాద్: కేసీఆర్‌తో ముగిసిన కాంగ్రెస్ నేతల భేటీ ముగిసింది. ఈ సందర్భంగా భట్టి విక్రమార్క మాట్లాడుతూ రాష్ట్రంలో దళితులపై జరగుతున్న దాడులను సీఎంకు వివరించామన్నారు. ఎస్సీ మహిళ మరియమ్మ పోలీస్ లాకప్‌లో దారుణంగా చనిపోయిన విషయాన్ని కేసీఆర్ దృష్టికి తీసుకెళ్లామని చెప్పారు. మరియమ్మ కుటుంబాన్ని ఆదుకోవాలని డిమాండ్ చేశామన్నారు.
కాగా కేసీఆర్‌తో భేటీకి ముందు గవర్నర్‌‌ను కూడా కాంగ్రెస్ నేతలు కలిశారు. మరియమ్మ లాకప్ డెత్‌పై తమిళిసైకు వివరించారు. బాధ్యులపై చర్యలు తీసుకోవాలని, మరియమ్మ కుటుంబాన్ని ఆదుకోవాలని విజ్ఞప్తి చేశారు. దళితులపై దాడులు ఆపాలని కోరారు. మరియమ్మ లాకప్ డెత్ కేసులో నిందితులను కాపాడేందుకు ప్రభుత్విస్తోందని ఆరోపిస్తున్నారు. శాంతి భద్రతలు కాపాడటంలో ప్రభుత్వం విఫలమైందన్నారు. కొందరు పోలీస్ శాఖకు మచ్చతెచ్చేలా పని చేస్తున్నారని ఫిర్యాదు చేశారు. కాంగ్రెస్ అధికారంలోకి వచ్చిన తర్వాత అలాంటి వారికి గుణపాఠం చెబుతామని అన్నారు.
