ప్రఖ్యాత సినీ నటుడు, మాజీ ముఖ్యమంత్రి దివంగత నందమూరి తారక రామారావు కుమార్తె కంఠమనేని ఉమామహేశ్వరి హఠాన్మరణం చెందారు. జూబ్లీహిల్స్ లోని ఆమె నివాసంలో కన్నుమూశారు. కంఠమనేని ఉమామహేశ్వరి ఎన్టీఆర్ కి చిన్న కూతురు. ఆమె హఠాన్మరణంతో ఎన్టీఆర్ కుటుంబం తీవ్ర విషాదంలో మునిగిపోయింది. విషయం తెలుసుకున్న ఎన్టీఆర్ కుటుంబ సభ్యులు ఆమె ఇంటికి చేరుకుంటున్నారు.
ఎన్టీఆర్ కి ఎనిమిది మంది కొడుకులు, నలుగురు కూతుర్లు. దాదాపు అందరి గురించి అందరికీ తెలిసిందే. నలుగురు కూతుర్లలో పురందేశ్వరి, భువనేశ్వరి, లోకేశ్వరి, ఉమామహేశ్వరి, వీరిలో చిన్న కూతురు ఉమామహేశ్వరి. ఆమె మృతి పట్ల పలువురు సంతాపం తెలియజేస్తున్నారు.
