ఆంధ్రప్రదేశ్ ముఖ్యమంత్రి వైయస్ జగన్మోహన్ రెడ్డి బుధవారం ఢిల్లీ పర్యటనకు బయలుదేరి వెళ్లారు. విజయవాడ గన్నవరం ఎయిర్ పోర్ట్ నుండి ప్రత్యేక విమానంలో జగన్ ఢిల్లీ బయలుదేరి వెళ్ళగా.. ఇవాళ రాత్రి 9:30 గంటలకు కేంద్ర హోం మంత్రి అమిత్ షా తో భేటీ కానున్నారు. ఈ పర్యటనలో రాష్ట్ర అభివృద్ధికి సంబంధించిన పలు అంశాలపై సీఎం జగన్ చర్చించనున్నారు.
అలాగే ఈ పర్యటనలో ప్రధాని మోదీ సహా పలువురు కేంద్ర మంత్రులతోను సీఎం భేటీ కానున్నట్లు తెలుస్తోంది. అయితే ఈ నెల 17వ తేదీన ప్రధానితో సీఎం భేటీ అయిన విషయం తెలిసిందే. ఈ క్రమంలో రెండు వారాల వ్యవధిలోనే ముఖ్యమంత్రి ఢిల్లీ పర్యటన పై సర్వత్రా ఉత్కంఠ నెలకొంది. సీఎం జగన్ వరుస పర్యటనలతో రాష్ట్ర రాజకీయాలలో ఉత్కంఠ పెరుగుతోంది. ప్రభుత్వ వర్గాలు మాత్రం ఇది పూర్తిగా పాలనాపరమైన అంశాలకు సంబంధించిన అధికారిక పర్యటనగా చెబుతున్నారు.
