టాలీవుడ్‌ మాస్ మహరాజా రవితేజ లేటేస్ట్ మూవీ ‘ధమాకా’. యాక్షన్ అండ్ కమర్షియల్ ఎంటర్టైనర్గా తెరకెక్కుతున్న ఈ చిత్రానికి త్రినాథరావు నక్కిన దర్శకత్వం వహిస్తున్నారు. ఈ చిత్రంలో రవితేజ సరసన పెళ్లి సందD ఫేమ్ శ్రీలీల కథానాయికగా నటిస్తోంది.
పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ పతాకాలపై టీజీ విశ్వ ప్రసాద్ నిర్మిస్తుండగా.. వివేక్ కూచిభొట్ల సహ నిర్మాతగా వ్యవహరిస్తున్నారు. ఈ ఏడాది డిసెంబర్ 23న థియేటర్లలోకి సందడి చేయనుంది. అయితే.. తాజాగా ఈ సినిమా నుంచి “దండకడియాల్” అంటూ సాగే సాంగ్‌ను మేకర్స్‌ విడుదల చేశారు. ఇక సాంగ్ లో బ్యాక్‌ గ్రౌండ్ మ్యూజిక్‌ అదిరిపోయింది. ఈ పాటలో తెలంగాణ నాటు సార తాగినంత కిక్కు ఉందని చెప్పాలి. ఈ పాట మాస్ ఆడియోన్స్‌ కు బాగా నచ్చుతుంది.
