తెలుగుతెరపై మరో అద్భుతం ఆవిష్కృతం అయిందని, ఫ్యాన్స్‌ సంబరాలను, ఆర్ఆర్ఆర్ మూవీ రివ్యూలను చూస్తే అర్థ‌మవుతోందని అంటున్నారు టీడీపీ యువనేత, ఎంపీ కింజరాపు రామ్మోహన్‌నాయడు. తాను కూడా ఈ సినిమాను ఎప్పుడు చూడాలా అని ఆయన వేచి చూస్తున్నాన‌ని అన్నారు. ఈ త‌ర‌హా సినిమాల ద్వారా భారతీయ, అంతర్జాతీయ చిత్రయవనికపై తెలుగు సినిమా ప్రత్యేకంగా మెరిసిపోతోందని ఆనందం వ్యక్తం చేశారు. తారక్‌…చరణ్‌ ఇద్దరూ ఇద్దరే…రాజమౌళి అంతకుమించి. వారికి, ఇతర చిత్ర బృందానికి శుభాకాంక్షలు.. అని తెలిపారు.
