ఈమధ్య కాలంలో చాలామంది రీమేక్ సినిమాలను చేయడానికి ఎక్కువగా ఆసక్తి చూపుతున్నారు. ఇక ఈ క్రమంలోనే ఈరోజు పవర్ స్టార్ పవన్ కళ్యాణ్ పుట్టిన రోజు కాబట్టి ఆయన సినీ కెరియర్ లో ఎన్ని సినిమాలు రీమేక్ చేయబడ్డాయో ఇప్పుడు ఒకసారి చదివి తెలుసుకుందాం..
వకీల్ సాబ్:
అమితాబ్ బచ్చన్ నటించిన పింక్ సినిమా రీమేక్ ను తెలుగులో వకీల్ సాబ్ సినిమాతో పవన్ కళ్యాణ్ రీ ఎంట్రీ ఇచ్చారు. ఇక ఇమేజ్ కి తగ్గట్టుగా పలు మార్పులు చేర్పులు చేసి తెరకెక్కించిన ఈ సినిమా మంచి బ్లాక్ బాస్టర్ విజయాన్ని సొంతం చేస్తుంది.
కాటమరాయుడు:
తమిళంలో హీరో అజిత్ నటించిన సూపర్ హిట్ సినిమా వీరం సినిమాకు రీమేక్ గా కాటమరాయుడును తెరకెక్కించారు. ఇక ఈ సినిమా అభిమానుల అంచనాలను అందుకోలేకపోయింది.
గోపాల గోపాల:
హిందీలో అక్షయ్ కుమార్ ముఖ్యపాత్రలో నటించి తెరకెక్కించిన ఓ మై గాడ్ సినిమాకు రీమేక్ గా గోపాల గోపాల చిత్రాన్ని తెరకెక్కించారు..
గబ్బర్ సింగ్:
సల్మాన్ ఖాన్ నటించిన దబాంగ్ సినిమాను తెలుగులో రీమేక్ చేసి గబ్బర్ సింగ్ గా తెరకేక్కించారు. ఇందులో మన తెలుగు నేటివిటికి తగ్గట్టుగా కొన్ని మార్పులు చేర్పులు చేసి కథను తలకెక్కించడం జరిగింది.
తీన్ మార్:
జయంత్ సి పరాంజీ దర్శకత్వంలో పవన్ కళ్యాణ్ తీసిన తీన్ మార్ హిందీలో సైఫ్ అలీఖాన్ హీరోగా నటించిన లవ్ ఆజ్ కల్ సినిమాకు రీమేక్.
అన్నవరం:
తమిళ్లో విజయ్ హీరోగా నటించిన తిరుపాచి చిత్రాన్ని తెలుగులో భీమనేని శ్రీనివాస్ రావు దర్శకత్వంలో అన్నవరంగా రీమేక్ చేశారు.
ఖుషీ:
తమిళంలో ఎస్. జె . సూర్య దర్శకత్వంలో విజయ్ హీరోగా తెరకెక్కించిన ఖుషి సినిమాను, తెలుగులో పవన్ కళ్యాణ్ హీరోగా అదే టైటిల్ తో తెరకెక్కించి మంచి విజయాన్ని సొంతం చేసుకున్నాడు.
ఇక వీటితోపాటు తమ్ముడు, సుస్వాగతం , గోకులంలో సీత , అక్కడ అమ్మాయి ఇక్కడ అబ్బాయి , భీమ్లా నాయక్ వంటి సినిమాలన్నీ రీమేక్ చేసి తెరకెక్కించారు పవన్ కళ్యాణ్.
