వరుస భూకంపాలు టర్కీ, సిరియాలను వణికించాయి. 24 గంటల్లోనే మూడుసార్లు భూకంపం సంభవించడంతో వేల సంఖ్యలో ప్రజలు ప్రాణాలు కోల్పోయారు. తెల్లవారుజామున గాఢ నిద్రలో ఉన్న టర్కీ, సిరియాల్లో నిమిషాల వ్యవధిలో రెండు భారీ భూకంపాలు చోటుచేసుకున్నాయి.
ఈ భూకంపాల ధాటికి రెండు దేశాల్లో కలిపి ఇప్పటివరకు 3400కు పైగా మరణించారని అధికారులు తెలిపారు. వేలాది మంది క్షతగాత్రులయ్యారు. రిక్టర్ స్కేల్ పై తొలుత 7.8 తీవ్రతతో ప్రకంపనలు రాగా.. 15 నిమిషాల వ్యవధిలో మరోసారి 6.7తీవ్రతతో భూమి కంపించినట్లు యూఎస్ జియోగ్రాఫికల్ సర్వీస్ పేర్కొంది.
భూకంపం తర్వాత దాదాపు 42సార్లు భూమి కంపించినట్లు తుర్కియే విపత్తు, అత్యవసర మంత్రిత్వ శాఖ వెల్లడించింది. ఆ తర్వాత దక్షిణ తుర్కియేలోని కహ్రాన్మరస్ ప్రావిన్స్లో రిక్టర్ స్కేల్పై 7.6 భూకంప తీవ్రత నమోదైంది. మూడోసారి 6.0 శాతం రికార్డైంది. విపత్తు నిర్వహణ సిబ్బంది, సహాయక సిబ్బంది.. భవనాల కింద చిక్కుకున్న వారిని రక్షించే ప్రయత్నాలు చేస్తున్నారు.
