ఇండియన్ ప్రీమియర్ లీగ్ లో భాగంగా 33వ మ్యాచ్ కోల్‌కతాలోని ఈడెన్ గార్డెన్స్ లో జరుగుతోంది. ఈ మ్యాచ్‌లో కోల్కతా నైట్ రైడర్స్ తో చెన్నై సూపర్ కింగ్స్ తలపడుతోంది. ఈ సీజన్ పాయింట్ల పట్టికలో సీఎస్కే 8 పాయింట్లతో మూడో స్థానంలో ఉండగా, కేకేఆర్ 4 పాయింట్లతో 8వ స్థానంలో ఉంది. అయితే.. ఈ మ్యాచ్‌లో టాస్ గెలిచిన కోల్కతా బౌలింగ్‌ ఎంచుకుంది. దీంతో టాస్ ఓడిన చెన్నై సూపర్ కింగ్స్ బ్యాటింగ్‌కు దిగనుంది.
అయితే.. వ‌రుస విజ‌యాలతో జోరు మీదున్న ధోనీ సేన మ‌రో విజ‌యంపై క‌న్నేసింది. మ‌రోవైపు కోల్కతా హ్యాట్రిక్ ఓట‌మి త‌ప్పించుకోవాల‌ని భావిస్తోంది. ఓపెన‌ర్ డెవాన్ కాన్వే, అజింక్యా ర‌హానే, శివం దూబే సూపర్ ఫామ్‌లో ఉండ‌డం చెన్నైకి క‌లిసొచ్చే అంశం. కోల్కతా విష‌యానికొస్తే.. వెంకటేశ్ అయ్య‌ర్, నితీశ్ రానా, రింకూ సింగ్‌పై ఎక్కువ‌గా ఆధార‌ప‌డుతోంది. ఆ జ‌ట్టుకు సునీల్ న‌రైన్, వ‌రుణ్ చ‌క్ర‌వ‌ర్తి, సుయాశ్ శ‌ర్మ రూపంలో నాణ్య‌మైన స్పిన్న‌ర్లు ఉన్నారు. దాంతో, ఇరుజ‌ట్ల మ‌ధ్య పోరు ఆస‌క్తిక‌రంగా ఉండనుంది.
