వైరల్ వీడియో: మహారాష్ట్ర సీఎంకు ఆ స్టార్ హీరోయిన్ శాపం తగిలిందా..?

మహారాష్ట్రలో సీఎం ఉద్ధవ్ ఠాక్రే ప్రభుత్వం అస్థిరతతో కొట్టుమిట్టాడుతోంది. ఆయన పదవికి గండం ఏర్పడటంతో ఓ వైపు రాజకీయ నాయకులు వాదోపవాదాలకు దిగుతున్నారు. అయితే తాజాగా ఓ వీడియో వార్త వైరల్ అవుతోంది. ఉద్ధవ్ ఠాక్రేకు ఓ మహిళను ఏడిపించిన ఉసురే వెంటాడుతోందని అంటున్నారు. అదే సీఎం పదవిని కదిలించిందని గాసిప్స్ వినిపిస్తున్నాయి.

కొన్నేళ్ల కిందట బాలీవుడ్ స్టార్ హీరోయిన్ కంగనా రనౌత్ బీజేపీకి మద్దతుగా.. శివసేన పార్టీకి వ్యతిరేకంగా ప్రచారం చేసింది. సీఎంతోపాటు ఆయన తనయుడిపై కూడా తీవ్ర స్థాయిలో విమర్శలు చేసింది. ఆ సమయంలో శివసేన కార్యకర్తలు కంగనా రనౌత్‌ను బెదిరించారు. ముంబైలో తనని తిరగనివ్వమని హెచ్చరించారు. అలాగే కంగనా ఎంతో ఇష్టపడి కట్టుకున్న మణికర్ణిక ఆఫీస్ ముంబై మున్సిపల్ అధికారులు నిబంధనలకు విరుద్ధంగా కట్టారని కూల్చివేశారు. అప్పుడు కంగనా ఒక వీడియోను విడుదల చేసింది.

ఆ వీడియోలో కంగనా ఎంతో ఎమోషన్ అయింది. చేతిలో అధికారం ఉందని ఇలా చేశావని, ఆ అధికారం ఇంకెన్నో రోజులు ఉండదు.. గుర్తు పెట్టుకోనని కంగనా పేర్కొంది. మహిళలను బాధపెట్టిన ఏ ఒక్కరూ సుఖపడినట్లు చరిత్రలో లేదన్నారు. త్వరలోనే మీ పతనం ఖాయమన్నారు.