తమిళ నాడు ముఖ్యమంత్రి స్టాలిన్… తమ పార్టీ అధికారంలోకి వచ్చినప్పటి నుంచి ఎవరూ ఊహించని విధంగా తన పాలనను కొనసాగిస్తున్నారు. ఎవరి అంచనాలకు అందని నిర్ణయాలతో… ప్రజల్లో తన క్రేజ్‌ ను పెంచుకుంటున్నారు సీఎం స్టాలిన్. అయితే.. ఈ సంచలన నిర్ణయాలతో దూసుకెళుతున్న తమిళనాడు ముఖ్యమంత్రి స్టాలిన్ మరో సంచలన నిర్ణయం తీసుకున్నారు.
ప్రజలకు ఆలస్యం లేకుండా ఓ నిర్దిష్ట సమయానికి ప్రభుత్వ సేవలు పొందేందుకు ” రైట్‌ టు సర్వీస్‌ యాక్ట్‌” అనే బిల్లు తీసుకు రానున్నారు. ఈ మేరకు సీఎం స్టాలిన్ కీలక ప్రకటన చేశారు. దీని వల్ల ప్రభుత్వ కార్యాలాయా ల్లో సేవలు పొందేందుకు ప్రజలు రోజుల తరబడి ఎదురు చూడాల్సిన బాధలు తప్పనున్నాయి. అంతేకాదు.. ఈ బిల్లు వల్ల ప్రజలకు సరైన న్యాయం జరుగనుంది. ప్రస్తుతం తమిళనాడు సర్కార్ ఈ బిల్లు రూపొందించే పనిలో ఉంది. దీని కోసం ప్రత్యేకంగా అసెంబ్లీని కూడా నిర్వహించే దిశగా ఆలోచన చేస్తోంది స్టాలిన్ సర్కార్.
