భారత ప్రధాన మంత్రిగా పదవీ బాధ్యతలు చేపట్టిన తర్వాత నరేంద్ర మోడీ చేపట్టిన అత్యంత ప్రజాదరణ లభించిన పధకాల్లో స్వచ్ఛభారత్ ఒకటి. పరిసరాలను పరిశుభ్రంగా ఉంచుకునే దిశగా ప్రారంభించిన ఈ పథకం దేశంలో పలు విప్లవాత్మక మార్పులకు శ్రీకారం చుట్టింది. ఈ పథకం అమలు పట్ల మోదీ సర్కారు కూడా కీలక శ్రద్ధ పెట్టింది. ఈ పథకానికి మోడీ ఎంతగా ప్రాధాన్యమిస్తున్నారు అన్న విషయాన్ని చెప్పేందుకు ఆదివారం ఓ ఆసక్తికర ఘటన చోటు చేసుకుంది.
దేశరాజధాని ఢిల్లీలో రూ. 920 కోట్లతో కేంద్ర ప్రభుత్వం కొత్తగా ఏర్పాటు చేసిన ప్రగతి మైదాన్ ఇంటిగ్రేటెడ్ ట్రాన్సిట్ కారిడార్ ను ప్రారంభించేందుకు ఆదివారం ఉదయం ప్రధాని మోదీ ఆ ప్రాంతానికి చేరుకున్నారు. ఈ సందర్భంగా కొత్త నిర్మాణాన్ని పరిశీలించేందుకు ఒంటరిగా కారిడార్ లోకి ప్రవేశించిన మోడీ.. అక్కడ కనిపించిన చిన్న చిన్న పెంకులను ఆయన స్వయంగా వంగి మరీ తన చేతులతో తీశారు. ఆ తర్వాత అటుగా నడుస్తూ కారిడార్ గోడకు ఆనుకొని పడిపోయిన ఓ కూల్ డ్రింక్ బాటిల్ ను కూడా మోదీ తన చేతులతో తీశారు. ఈ దృశ్యాల కు చెందిన వీడియో ప్రస్తుతం సోషల్ మీడియాలో వైరల్ గా మారింది.
Truly inspirational!
This is how Swachh Bharat became a Jan Andolan.Humbling to see PM @narendramodi Ji bending down to pick up little scraps & pieces during the inauguration of the Pragati Maidan Integrated Transit Corridor today. @MoHUA_India @SwachhBharatGov @PIB_India pic.twitter.com/v4ix281dxq
— Hardeep Singh Puri (@HardeepSPuri) June 19, 2022
