ఇండియన్ జీనియస్ డైరెక్టర్ శంకర్- మెగా పవర్ స్టార్ రామ్ చరణ్ కాంబోలో తెరకెక్కుతున్న ప్రెస్టీజియస్ ఫిల్మ్ RC15కు లీకుల బెడద తప్పడం లేదు. వరుసగా ఈ చిత్రానికి సంబంధించిన లీకులు వస్తూనే ఉన్నాయి. తాజాగా ఈ పిక్చర్ కు సంబంధించిన మరో వార్త సోషల్ మీడియాలో బాగా వైరలవుతోంది.
ఈ మూవీలో రామ్ చరణ్ IAS, IPS ఆఫీసర్ గా కనిపించబోతున్నారని ఇప్పటికే లీక్ వచ్చేసింది. కాగా, తాజాగా వస్తున్న వార్తల ప్రకారం..ప్రభుత్వ విధానాలు, సిస్టమ్ పైన విసుగు చెందిన షార్ట్ టెంపర్ యువకుడిగా రామ్ చరణ్ సినిమాలో కనిపిస్తారట.
ఈ క్రమంలోనే రామ్ చరణ్..సినిమా స్టోరిలో ఊహించని టర్న్ లో భాగంగా ఓ రాష్రానికి సీఎం అవుతారట. అది ఇంటర్వెల్ బ్యాంగ్ గా శంకర్ ప్లాన్ చేసినట్లు టాక్. అలా ముఖ్యమంత్రి గెటప్ లో రామ్ చరణ్ వెండితెరపైన కనిపించగానే ఇంటర్వెల్ బ్రేక్ వచ్చేస్తుందని వార్తలొస్తున్నాయి. మొత్తంగా రామ్ చరణ్ ను ఈ సినిమాలో వెరీ డిఫరెంట్ గెటప్స్ లో చూపించేందుకు శంకర్ ఫిక్స్ అయ్యాడని సమాచారం.
శంకర్ దర్శకత్వంలో వచ్చిన సినిమాలు ఇటీవల కాలంలో ఊహించిన స్థాయి విజయాలు సాధించలేదు. ఈ క్రమంలోనే RC 15 ఫిల్మ్ .. శంకర్ పాత రోజులను గుర్తు చేసేలా ఉంటుందని ఫిల్మ్ నగర్ సర్కిల్స్ టాక్. ఈ చిత్రం అవినీతికి వ్యతిరేకంగా సామాజికి సందేశాన్ని ఇచ్చే విధంగా ఉండటంతో పాటు కమర్షియల్ ఎలిమెంట్స్ ఉండేలా ఉంటుందట.
అలా ఈ సినిమా ‘‘ఒకే ఒక్కడు’’, ‘‘భారతీయుడు’’, ‘‘అపరిచితుడు’’ సినిమాల కోవలోకి చేరుతుందని ధీమా వ్యక్తం చేస్తున్నారు మేకర్స్. టాలీవుడ్ స్టార్ ప్రొడ్యూసర్ దిల్ రాజు ఈపిక్చర్ ను ప్రొడ్యూస్ చేస్తుండగా, ఎస్.ఎస్.థమన్ మ్యూజిక్ అందిస్తున్నారు.
