టాలీవుడ్ యంగ్ టైగర్.. గ్లోబల్ స్టార్ జూనియర్ ఎన్టీఆర్ వైపే ఇప్పుడు అందరి చూపు. ఆర్ఆర్ఆర్ సినిమాతో ప్రపంచ వ్యాప్తంగా గుర్తింపు తెచ్చుకున్న తారక్ నెక్స్ట్ సినిమాలపైనే ప్రేక్షకుల ఫోకస్. అయితే ఎన్టీఆర్కు ఉన్న క్రేజ్ను క్యాష్ చేసుకునేందుకు బాలీవుడ్ ట్రై చేస్తోంది. ఈ నేపథ్యంలో తారక్తో సినిమా చేసేందుకు రెడీ అయింది.
బాలీవుడ్లో తారక్ ఎంట్రీ కన్ఫర్మ్ అయింది. ఇప్పటికే సూపర్ హిట్ అయిన వార్ సినిమా సీక్వెల్తో ఎన్టీఆర్ హిందీ సినిమా ఇండస్ట్రీలోకి ఎంట్రీ ఇవ్వనున్నాడట. ఇందులో గ్రీక్ గాడ్ హృతిక్ రోషన్తో కలిసి తారక్ నటించనున్నాడట. ఈ విషయాన్ని మూవీ క్రిటిక్ తరణ్ ఆదర్శ్ ట్విటర్ వేదికగా తెలిపారు.
వార్ సినిమా మొదటి భాగంలో హృతిక్ రోషన్, టైగర్ ష్రాఫ్ కీలక పాత్రలు పోషించారు. ఆ సినిమాలో వీరిద్దరి మధ్య భారీ యాక్షన్ సీన్స్ తెరకెక్కాయి. అప్పట్లోనే ఆ సినిమాకు సీక్వెల్ ఉంటుందని నిర్మాణ సంస్థ యశ్ రాజ్ ఫిల్మ్స్ ప్రకటించింది. తాజాగా వచ్చిన అప్డేట్ ప్రకారం ఈ సినిమాలో యంగ్ టైగర్ నటించనున్నాడట. అయాన్ ముఖర్జీ ఈ సినిమాకు దర్శకత్వం వహించనున్నట్లు తెలుస్తోంది.
IT’S OFFICIAL… HRITHIK – JR NTR IN ‘WAR 2’… #YRF pulls off a casting coup… #HrithikRoshan and #JrNTR will share screen space for the first time in #War2… #AyanMukerji directs. #YRFSpyUniverse pic.twitter.com/rGu8Z3Nzs7
— taran adarsh (@taran_adarsh) April 5, 2023
