జనసేన అధినేత పవన్ కళ్యాణ్ ఎలక్షన్ బ్యాటిల్ కోసం సిద్ధం చేసుకున్న వాహనం వారాహి. ఇప్పుడు ఆంధ్రప్రదేశ్ రాష్ట్రంలో వారాహి వాహనంపై ఆసక్తికర చర్చ జరుగుతోంది. వారాహి వాహనానికి వేసిన రంగు పై అభ్యంతరం వ్యక్తం అవుతోంది. దీనికి కౌంటర్గా పవన్ కళ్యాణ్ ఓ ట్వీట్ చేశారు. ఆలీవ్ గ్రీన్ కలర్తో ఉన్న షర్ట్ను ట్వీట్ చేస్తూ.. ఈ షర్ట్ అయినా వేసుకోవచ్చా అంటూ ట్విట్టర్లో పోస్టు పెట్టారు. ముందు నా సినిమాలను అడ్డుకున్నారు. తరువాత విశాఖ పర్యటనకు వెళ్తే హోటల్ గది నుంచి బయటకు రాకుండా చేశారు. మంగళగిరిలో పార్టీ ఆఫీస్ నుంచి బయటకు రాకుండా తన కారును అడ్డగించారని వైసీపీ పై పవన్ విమర్శలు చేశారు. ఇప్పుడు ఎన్నికల కోసం సిద్ధం చేసిన వాహనం రంగు మీకు సమస్యగా మారిందా అని ఆగ్రహం వ్యక్తం చేశారు.
ఎన్నికల యుద్ధానికి సిద్ధం అనే ట్యాగ్తో పవన్ ఏర్పాటు చేసిన చైతన్య రథం హాట్ టాపిక్గా మారింది. ఆ వాహనానికి వేసిన ఆలీవ్ గ్రీన్ కలర్ పై వైసీపీ నేతలు సెటైర్లు వేశారు. మిలిటరీ వాళ్లు తప్ప ప్రైవేట్ వ్యక్తులు తమ వెహికల్స్‌కి అలీవ్ గ్రీన్ కలర్ వాడటం నిషేదం.. అలాంటిది జనసేన వాహనానికి ఆ రంగు వేస్తే ఎలా అనుమతి వస్తుందని వైసీపీ ఆరోపించింది. ఆ వాహనానికి పసుపు రంగు వేసుకుంటే మంచిదని సెటైర్లు వేశారు. దీనిపై స్పందించిన పవన్ షర్ట్ వేసుకోవడానికి అయినా అనుమతి ఇస్తారా అంటూ కౌంటర్ వేశారు. అయితే తాజాగా మరో ట్వీట్ చేశారు పవన్.. ‘YCP టిక్కట్‌ రేట్‌లు, కారు రంగులు, కూల్చడాలు లాంటి చిల్లర పనులు ఆపి AP అభివృద్ధి మీద దృష్టి పెట్టాలి. ఇప్పటికే AP లో వీరి లంచాలు, వాటాలు వేధింపులవలన “ కారు నుంచి కట్‌డ్రాయర్‌ కంపెనీల “ దాకా పక్క రాష్ట్రంకి తరలిపోయాయ్‌..’ అంటూ ఘాటుగా ఆయన పోస్ట్‌ చేశారు.
