ప్రస్తుతం రీరిలీజ్ సినిమాల ట్రెండ్ నడుస్తోందనే చెప్పాలి. పాత సినిమాలను నేటి టెక్నాలజీకి మార్పులను జోడించి, మరలా థియేటర్లలో విడుదల చేస్తున్నారు. ఇప్పటికే పలువురు స్టార్ హీరోల సినిమాలు రీరిలీజ్ అయ్యాయి. అలాగే థియేటర్లలో కలెక్షన్ల వర్షం కురిపించాయి. ఈ క్రమంలో టాలీవుడ్ మరో స్టార్ హీరో సినిమా ఈ లిస్టులో చేరింది. పవర్ స్టార్ పవన్ కళ్యాణ్ ఆల్ టైమ్ హిట్ లలో ‘ఖుషి’ ఒకటి. తమిళ డైరెక్టర్ కమ్ యాక్టర్ ఎస్జే సూర్య 2001లో రూపొందించిన ఈ సినిమా సెన్సేషన్ అయ్యింది. పవన్ కెరీర్‌లో బ్లాక్ బస్టర్‌గా నిలిచింది. పవన్‌కు జోడీగా భూమిక నటించగా.. సపోర్టింగ్ రోల్‌లో శివాజీ, అలీ కనిపించారు. మణిశర్మ మ్యూజిక్ సినిమాకు స్పెషల్ ఎస్సెట్‌గా నిలిచింది.
పాటలు ఇప్పటికీ జనం పాడుకుంటూ ఉంటారు. హీరోహీరోయిన్ల రొమాంటిక్ సీన్స్, ఇద్దరి మధ్య గిల్లి కజ్జాలు, కెమిస్ట్రీ.. ఇలా అన్నీ కలిపి ‘ఖుషి’ని క్లాసిక్ మూవీగా మార్చేశాయి. ప్రస్తుతం ఇలాంటి ఓల్డ్ క్లాసిక్ మూవీస్ ఫ్యాన్స్ కోసం రీరిలీజ్ అవుతోంది. ఈ నేపధ్యంలో ఇపుడు ‘ఖుషి’ మేకర్స్ రీరిలీజ్ ట్రైలర్ ని రిలీజ్ చేసారు. ఈ ట్రైలర్ ఇప్పుడు పవన్ ఫ్యాన్స్ లో వైరల్ గా మారింది.
ఈ సినిమాను డిసెంబర్‌ 31న రీరిలీజ్ చేస్తున్నారు. . ‘ఖుషి’ సినిమాను కూడా టెక్నాలజీ హంగులు చేర్చి, 4కే రిజల్యూషన్‌, 5.1 డాల్బీ ఆడియోతో రీరిలిజ్ చేయనున్నారు. దీంతో పవన్ అభిమానులు చాలా సంతోషంగా ఉన్నారు. ఖుషి చిత్రం ఓ రీమేక్. తమిళ స్టార్ విజయ్, జ్యోతిక జంటగా ఎస్జే సూర్య మొదట తమిళ్‌లో ఈ సినిమాను తెరకెక్కించాడు. అక్కడ సక్సెస్ కావడంతో తెలుగులో ఆయనే పవన్‌తో తీశారు.
