మ‌రోవైపు బొత్స కూడా ఈ నియామకాన్ని జీర్ణించుకోలేక‌పోతున్నారు. ఎందుకంటే ఆయ‌న కూడా ఆర్.కృష్ణయ్య ఎంపిక‌ను బాహాటంగానే వ్య‌తిరేకిస్తున్నారు అని తెలుస్తోంది. ఆఖ‌రి నిమిషం వ‌ర‌కూ అందరినీ ఉత్కంఠ‌త‌లో ఉంచి, త‌రువాత నిర్ణ‌యాలు వెలువ‌రించ‌డం అన్న‌ది అంత‌గా మంచిది కాద‌ని, జగన్ కు ఈ విష‌య‌మై ప‌దే ప‌దే తాము చెప్పినా, మీడియా స్పెక్యులేష‌న్ ను ఓ విధంగా ఆయ‌నే ఎంక‌రేజ్ చేస్తున్నార‌ని వైసీపీ మంత్రి ఒక‌రు వ్యాఖ్యానించారు అని తెలుస్తోంది. ఆ వైసీపీ మంత్రి కూడా ఉత్త‌రాంధ్ర‌కు చెందిన కీలక నేతే కావ‌డం గ‌మ‌నార్హం. ఏ విధంగా చూసినా ఉత్త‌రాంధ్ర వాకిట బీసీల‌కు లోటు లేక‌పోయినా, బీసీ నేత‌ల‌కు వారి నాయ‌క‌త్వ పటిమ‌కు లోటు లేక‌పోయినా, తెలంగాణ ప్ర‌భుత్వ సిఫార‌సు కానీ బీజేపీ సిఫార‌సు కానీ ప‌నిచేసిన కార‌ణంగానే జగన్ ఈ కీలక నిర్ణ‌యం వెలువ‌రించి, ఆర్.కృష్ణయ్య విష‌య‌మై ఇప్పుడు, దేవుల‌ప‌ల్లి అమ‌ర్ ( ఏపీ స‌ర్కార్ జాతీయ మీడియా స‌ల‌హాదారు, ఢిల్లీ కేంద్రంగా లాబీయింగ్ చేసే జ‌ర్న‌లిస్టు) అప్పుడు విమర్శ‌ల పాల‌య్యారు అన్న‌ది సుస్ప‌ష్టం.
