ముంబై : మహారాష్ట్ర సీఎం ఉద్దవ్ థాక్రే తో తెలంగాణ రాష్ట్ర సీఎం కేసీఆర్ ఇవాళ భేటీ అయిన సంగతి తెలిసిందే. ఉదయం హైదరాబాద్‌ నుంచి ప్రత్యేక విమానంలో సీఎం కేసీఆర్ బృందం.. ముంబైకి బయలు దేరి.. నేరుగా మహారాష్ట్ర సీఎం ఉద్దవ్ థాక్రే ఇంటికి చేరుకున్నారు.
అంతకుముందు నటుడు ప్రకాష్ రాజ్ సీఎం కేసీఆర్ కు ఎయిర్ పోర్ట్ లో ఘన స్వాగతం పలికారు. అనంతరం.. సీఎం కేసీఆర్ తో పాటు.. మహారాష్ట్ర సీఎం ఉద్దవ్ థాక్రే ఇంటికి ప్రకాశ్‌ రాజ్ కూడా చేరుకున్నారు. ఆ తర్వాత దేశ రాజ‌కీయాల‌పై థాక్రేతో సీఎం కేసీఆర్ చ‌ర్చ‌లు నిర్వహించారు. అయితే.. ఈ సమావేశంలో ప్రకాష్ రాజ్ ఉండటం అందరినీ ఆశ్చర్యానికి గురి చేసింది.
కాగా.. సీఎం కేసీఆర్ తో పాటు ఎంపీలు కేశవరావు, రంజిత్ రెడ్డిలతో పాటు ఎమ్మెల్సీలు పల్లా రాజేశ్వర్ రావు, కవితలు పాల్గొనగా.. సీఎం ఉద్ధవ్ ఠాక్రేతో పాటు శివసేన ముఖ్యనేత ఎంపీ సంజయ్ రౌత్ కూడా ఈ సమావేశంలో పాల్గొనున్నారు. ఉద్దవ్ ఠాక్రేతో మీటింగ్ తరువాత ఎన్సీపీ నేత శరద్ పవార్ తో మీటింగ్ కానున్నారు.
