మెగా పవర్ స్టార్ రామ్‌చరణ్‌ సినిమాల విషయంలో జోరు పెంచాడు. ప్రస్తుతం బుచ్చిబాబు దర్శకత్వంలో ఓ సినిమాను లైన్‌లో పెట్టిన విషయం తెలిసిందే. అనంతరం సుకుమార్‌ దర్శకత్వంలో ఓ చిత్రం చేసేందుకు గ్రీన్ సిగ్నల్ ఇచ్చాడు. తాజాగా ఆయన లిస్టులోకి కొత్తగా మరో ప్రాజెక్ట్‌ వచ్చి చేరినట్లు తెలుస్తోంది. ‘కేజీఎఫ్‌’, ‘సలార్‌’ వంటి పాన్ ఇండియా మూవీస్ తీసిన దర్శకుడు ప్రశాంత్ నీల్‌‌తో ఓ మూవీ కమిట్ అయినట్లు ఫిలిం ఇండస్ట్రీలో టాక్.
స్టోరీకి సంబంధించిన చర్చలు ఇప్పటికే పూర్తయినట్లు సమాచారం.అయితే, ఈ ప్రాజెక్ట్‌ను డీవీవీ దానయ్య నిర్మించనున్నారని టాక్ వినిపిస్తోంది.ప్రశాంత్ నీల్ ప్రస్తుతం ఎన్టీఆర్‌తో ఓ సినిమా చేసేందుకు సిద్ధమయ్యారు. అది అయ్యాక ‘సలార్‌ 2’, ‘కేజీఎఫ్‌ 3’ పూర్తి చేస్తాడని తెలుస్తోంది.అవి పూర్తయ్యాకే చెర్రీతో కొత్త ప్రాజెక్ట్‌ పట్టాలెక్కించే అవకాశం ఉన్నట్లు సమాచారం. ఈలోపు రాంచరణ్ బుచ్చిబాబు, సుకుమార్‌ల‌తో సినిమాలను ఫినిష్ చేస్తాడని తెలుస్తోంది.
