బీజేపీ, టీఆర్ఎస్ పార్టీ ధాన్యం కొనుగోలు మద్దతు ధర్నాలపై వివిధ పార్టీ నుంచి విమర్శలు ఎదురవుతున్నాయి. కాంగ్రెస్ పార్టీ ఇప్పటికే ఈ ధర్నాలను వీధి నాటకాలుగా అభివర్ణించింది. తాజాగా మాజీ ఐపీఎస్ డా. ఆర్. ఎస్. ప్రవీణ్ కుమార్ ధర్నాలపై విమర్శలు చేశారు. బీజేపీ, టీఆర్ఎస్ పార్టీలు చేసే ధర్నాలు ఓ డ్రామాగా అభివర్ణించారు. హుజూరాబాద్లో బహుజన ఈటెల రాజేందర్ ఓడిపోవాలని అనేక కుట్రలు చేసి ఘోర పరాజయం చవి చూసి అతని విజయాన్ని తట్టుకోలేక కేంద్రమే ధాన్యాన్ని కోనుగోలు చేయాలని.. టీఆర్ఎస్, బీజేపీ పోటాపోటీ ధర్నాలు చేయడం ఓ రాజకీయ డ్రామా అన్నారు. ఈటెల రాజేందర్ విజయాన్ని బీజేపీ విజయం కాన్నట్లు ట్విట్లర్ లో పోస్ట్ పెట్టారు. కార్పోరేట్ శక్తులు పన్నిన వలలో అన్నదాతను ఇరికించే ఘోరమైన కుట్రగా అభివర్ణించారు. జాగో తెలంగాణ అంటూ ట్విట్ చేశారు.
2016లో ఇందిరాపార్క్ ధర్నాచౌక్ ఎత్తివేసి, ప్రశ్నించే గొంతుకలను అణిచివేసి, రైతులకు బేడీలు వేసిన కేసీఆర్, నేడు ధాన్యం కొనుగోలు చేయాలని కేంద్ర ప్రభుత్వానికి వ్యతిరేకంగా అదే చౌక్ వద్ద ధర్నా చేయడం ఓ వింత అని. మరో పదేళ్లూ ప్రగతి భవన్ లోనే తిష్టవేసి కుటుంబపాలన సాగించాలన్న పన్నాగం అని ఆర్ ఎస్ ప్రవీణ్ కుమార్ ట్విట్ చేశారు.
