మోస్ట్ వెయిటెడ్ మూవీగా తెర‌కెక్కుతున్న మూవీ ఆర్ ఆర్ ఆర్ . ఇప్ప‌టికే ఈ మూవీపై అంచ‌నాలు ఆకాశాన్ని అంటుతున్నాయి. బాహుబ‌లి త‌ర్వాత జ‌క్క‌న్న తెర‌కెక్కిస్తున్న ఈ మూవీలో యంగ్ టైగ‌ర్ ఎన్టీఆర్, రామ్ చ‌ర‌ణ్ క‌లిసి న‌టిస్తున్నారు. ఇప్ప‌టికే రిలీజ్ అయిన టీజ‌ర్లు అంచ‌నాల‌ను అమాంతం డ‌బుల్ చేశాయ‌నే చెప్పాలి. అయితే ప్ర‌స్తుతం ఈ మూవీకి సంబంధించిన అప్‌డేట్ ఒక‌టి వ‌చ్చింది.
అన్ని సినిమాల్లాగే క‌రోనా వ‌ల్ల ఇది కూడా షూటింగ్ ఆగిపోయింది. దీంతో రిలీజ్ డేట్ ఎప్పుడో తెలియ‌క ఫ్యాన్స్ టెన్ష‌న్ ప‌డుతున్నారు. ఇప్పుడు క‌రోనా కాస్త త‌గ్గ‌డంతో మేక‌ర్స్ షూటింగ్‌ని మొద‌లు పెట్టేశారు. ఈ జూలై నెలాఖ‌రు వ‌ర‌కు ఆర్ ఆర్ ఆర్ షూటింగ్ ను పూర్తి చేయ‌నున్నారు.
ఆ వెంట‌నే మిగిలిన పోస్టుప్రొడ‌క్ష‌న్ ప‌నులు పూర్తి చేసి అక్టోబ‌ర్‌లో సినిమాని విడుద‌ల చేయాలని చూస్తున్నాడంట జ‌క్క‌న్న. ప్ర‌స్తుతం హైదరాబాద్‌లోని ఓ స్టూడియోలో స్పెష‌ల్ గా వేసిన సెట్‌లో మూవీకే హైలెట్ సీన్స్‌ను తెర‌కెక్కిస్తున్నాడంట రాజ‌మౌళి. ఇప్ప‌టికే ఇందులో రామ్‌చరణ్ అడుగుపెట్టాడు. ఇక బుధవారం నుంచి ఎన్టీఆర్ కూడా షూటింగ్‌లో పాల్గొంటున్నారు. ఇదే సెట్ లో వీరిద్ద‌రి మ‌ధ్య ఓ సాంగ్‌ను కంపోజ్ చేయ‌నున్నాడంట జ‌క్క‌న్న. మ‌రి జ‌క్క‌న్న ప్లాన్ ఏ మేర‌కు వ‌ర్కౌట్ అవుతుందో చూడాలి.
