మరో 2,3 దశాబ్దాలు జగనే ముఖ్య‌మంత్రి ప్రభుత్వ సలహాదారు సజ్జల రామకృష్ణ అన్నారు. ఈ విష‌యాన్ని తాను కాదు.. ఏపీ ప్ర‌జ‌లే చెబుతున్నార‌ని వెల్ల‌డించారు. అసెంబ్లీ ఎన్నికల్లో చిత్తుగా ఓడిన టీడీపీ శాసన మండలిలో మంద బలంతో అనేక సంస్కరణలను అడ్డుకున్నారని…పేదలకిచ్చే ఇళ్ల స్థలాలపై టీడీపీనే కోర్టుకు వెళ్లి అడ్డుకుందని వెల్ల‌డించారు.
చాలా ఏళ్ళు పాటు ఇళ్లు వున్నా వారికి అది ఆస్తిగా లేకుండా పోయిందన్నారు. ఇప్పుడు పేదలకు ఉచితంగా ఇళ్ల రిజిస్ట్రేషన్లు చేస్తున్నా.. దానిపై దుష్ప్రచారం చేస్తున్న ప్రతిపక్షం వుండటం మన దురదృష్టమ‌ని పేర్కొన్నారు. చంద్రబాబు కుప్పంని కబ్జా చేసి కోటలాగా మార్చుకున్నాడని.. కుప్పంలో చంద్రబాబును దారుణం ఓడించారని ఎద్దేవా చేశారు. అమరావతి యాత్ర ప్రజల యాత్ర కాదు.. టీడీపీ నేతలే యాత్ర చేస్తున్నారని ఎద్దేవా చేశారు. వంద కోట్లు డబ్బులు ఎక్కడ నుంచి వచ్చాయని.. చంద్రబాబుకి ఎక్కడో చోట గొడవ కావాలి.. దానిని అడ్డుపెట్టుకొని రాజకీయం చేస్తున్నారని మండిప‌డ్డారు. రాష్ట్రంలో శాంతి భద్రతల సమస్యలు రావాలని చంద్రబాబు కోరుకుంటున్నారని నిప్పులు చెరిగారు.
