తెలంగాణ ప్రజలతో చంద్రబాబు ఆటలు ఆడుతున్నాడని సజ్జల రామకృష్ణారెడ్డి కౌంటర్‌ ఇచ్చాడు. చంద్రబాబు ఏ రాష్ట్రంలో ఉన్నాడో కూడా తెలియడం లేదని.. తెలంగాణలో ప్రజలకు సేవ చెయ్యాలి అంటే మంచిది ఏపీలో కూడా చేస్తామంటే ఇంకా మంచిదని వివరించారు. రాజకీయాలు అంటే చంద్రబాబుకు ఆట అని..ఇప్పుడు ఎన్నికలు కాబట్టి తెలంగాణకు వెళ్ళాడని ఆగ్రహించారు.
ఏమి చెయ్యాలో చంద్రబాబుకు స్పష్టత లేదని…రాష్ట్రం అన్యాయంగా విడిపోయింది సేవ చేయాలి అనే క్లారిటీ జగన్‌కు ఉందని వెల్లడించారు. నాతో పెట్టుకుంటే తెలంగాణలో ఉపయోగం ఉంటుందని బీజేపీకి చెప్పడమే బాబు ఉద్దేశమన్నారు సజ్జల రామకృష్ణారెడ్డి. రాష్ట్ర విభజనపై ఉన్నట్టుండి చంద్రబాబు ఎందుకిలా మాట్లాడుతున్నారో తెలియదని..చంద్రబాబు ఏ ప్రయోగం చేయబోతున్నారో తెలియదని చెప్పారు. చంద్రబాబుకు ఆధార్ కార్డు, ఓటర్ కార్డు రెండూ తెలంగాణలోనే ఉన్నాయని నిప్పులు చెరిగారు.
