బాలీవుడ్ కండ‌ల వీరుడు సల్మాన్ ఖాన్ కు హిందీలోనే కాకుండా ఇత‌ర భాషాల‌లోనే చాలా మంది అభిమానులు ఉన్నారు. త‌న సినిమాలు ఇప్ప‌టి వ‌ర‌కు చాలా సార్లు బాలీవుడ్ ను షేక్ చేశాయి. అంతే కాకుండా ఎక్కువ సార్లు రూ. 100 కోట్ల మార్క్ క‌లెక్ష‌న్లు దాటిన సినిమాలు కూడా సల్మాన్ ఖాన్ యే ఉంటాయి. అంత క్రేజ్ సల్మాన్ ఖాన్ సొంతం. అయితే హింది బిగ్ బాస్ సిజ‌న్ – 15 కు సల్మాన్ ఖాన్ హోస్టు గా వ్య‌వ‌హ‌రిస్తున్న విష‌యం తెలిసిందే.
అయితే ఈ సిజ‌న్ కు సంబంధించి బాలీవుడ్ హీరో సల్మాన్ ఖాన్ భారీగా పారితోషికం తీసుకుంటున్నాడ‌ని బాలీవుడ్ మీడియా, సోష‌ల్ మీడియాలలో తెగ ప్ర‌చారం అవుతుంది. 14 వారాల పాటు సాగే ఈ బిగ్ బాస్ సిజ‌న్ – 15 సల్మాన్ ఖాన్ ఏకంగా రూ. 350 కోట్లు తీసుకుంటున్నాడ‌ని స‌మాచారం. అంటే ప్ర‌తి వారానికి రూ. 25 కోట్ల చొప్పున స‌ల్లూ భాయ్ రెమ్యూన‌రేష‌న్ తీసుకుంటున్నాడ‌ని బాలీవుడ్ మీడియా తో పాటు సోష‌ల్ మీడియాలో వార్తలు వ‌స్తున్నాయి. ఇదే నిజం అయితే రియాలిటీ షోకు అత్య‌ధిక పారితోషికం తీసుకుంటున్న హోస్ట్ గా రికార్డు సృష్టిస్తాడు.
