అమెరికాలో మరోసారి కాల్పులు చోటుచేసుకున్నాయి. ఓ దుండగుడు జరిపిన కాల్పుల్లో హైదరాబాద్‌కు చెందిన ఓ యువకుడు దుర్మరణం పాలయ్యాడు. మృతుడు చైతన్యపురి పోలీస్ స్టేషన్ పరిధిలోని ఆర్కేపురం డివిజన్ గ్రీన్ హిల్స్ కాలనీ రోడ్ నెంబర్- 2లో నివాసం ఉంటున్న కొయ్యడ చంద్రమౌళి కుమారుడు రవితేజగా గుర్తించారు.
ఇదిలాఉండగా, 2022 మార్చిలో అమెరికా వెళ్లిన రవితేజ మాస్టర్స్ డిగ్రీ పూర్తి చేసి ప్రస్తుతం ఉద్యోగం అన్వేషణలో ఉన్నాడు. ఈ క్రమంలోనే అమెరికా వాషింగ్టన్ ఏవ్‌లో దుండగులు జరిపిన కాల్పుల్లో రవితేజ మరణించాడు. తమ కుమారుడు చనిపోయాడని విషయం తెలియడంతో కుటుంబసభ్యులు కన్నీరుమున్నీరుగా విలపిస్తున్నారు. గ్రీన్ హిల్స్ కాలనీలోని అతని నివాసం వద్ద విషాద ఛాయలు అలుముకున్నాయి.
