భారత్ వర్సెస్ దక్షిణాఫ్రికా మధ్య నాలుగు మ్యాచ్ ల టీ-20 సిరీస్ లో భాగంగా ఇవాళ రెండో మ్యాచ్ సెయింట్ జార్జ్ పార్క్, గ్క్వెబర్హాలో జరగనుంది. తొలి టీ-20 మ్యాచ్ భారత కాలమానం ప్రకారం.. రాత్రి 8.30 గంటలకు ప్రారంభం అయింది. అయితే రెండో టీ-20 మ్యాచ్ టైమింగ్ లో స్వల్ప మార్పు చోటు చేసుకుంది. రెండో టీ-20 ఒక గంట ముందుగానే ప్రారంభం కానుంది. భారత కాలమానం ప్రకారం.. ఇవాళ రాత్రి 7.30 గంటలకు ప్రారంభం అవుతుంది. 7.00 గంటలకు టాస్ వేయనున్నారు.
సూర్యకుమార్ కెప్టెన్సీలో టీమిండియా తొలి మ్యాచ్ లో 61 పరుగుల తేడాతో విజయం సాధించింది. ఇవాళ జరిగే మ్యాచ్ లో కూడా ఆతిథ్య జట్టును ఓడించి భారత్ ఆదిక్యాన్ని రెట్టింపు చేయాలని చూస్తోంది. మరీ ఈ మ్యాచ్ లో భారత్ తొలి టీ-20 మాదిరిగానే విజయం సాధిస్తుందో లేక ఈ మ్యాచ్ లో ఆతిథ్య సౌతాఫ్రికా విజయం సాధిస్తుందో తెలియాలంటే మాత్రం వేచి చూడాల్సిందే.
