సికింద్రాబాద్‌ రైల్వే స్టేషన్‌ అల్లరల్లో 22 మంది అరెస్ట్‌ అయ్యారని పోలీసులు పేర్కొన్నారు. హైదరాబాద్‌ పోలీసుల అదుపులో 22 మంది ఆందోళకారులు ఉన్నారని పోలీసులు ప్రకటించారు. నరసరావుపేట నుంచి వచ్చిన అభ్యర్థులే దాడికి దిగినట్టు పోలీసుల వెల్లడించారు.
సాయి డిఫెన్స్‌ అకాడమీ విద్యార్థులు ఆందోళనలో ఎక్కువగా పాల్గొన్నారు. గుంటూరుతో పాటు మంచిర్యాల, కరీంనగర్‌, వరంగల్‌, నిజామాబాద్‌, మహబూబ్‌నగర్‌ విద్యార్థులు ఉన్నట్టుగా తేల్చారు పోలీసులు. అల్లర్లకు కుట్ర చేసింది నరసారావుపేట అకాడమీ అని పోలీసులు గుర్తించారు. గుంటూరు నుంచి హైద్రాబాద్ కు వచ్చిన ట్రెయిన్ లో 450 మంది నరసరావుపేట సాయి అకాడమీ కు చెందిన వాళ్లుగా గుర్తించారు పోలీసులు.
కాగా… ఎంజీఎం మార్చురీ నుంచి రాకేష్ అంతిమ యాత్ర కాసేపటి క్రితమే ప్రారంభమైంది. యాత్ర కు హాజరైన అశేష జనవాహినిని మంత్రులు ఎర్రబెల్లి దయాకర్ రావు, సత్యవతి రాథోడ్, ఎమ్మెల్యే పెద్ది సుదర్శన్ రెడ్డి, ప్రభుత్వ చీఫ్ విప్ వినయ్ భాస్కర్, సహా ఎమ్మెల్యేలు ఎంపీలు వెంట నడవడంతో అంతిమయాత్ర కొనసాగుతోంది.
